കെവിന്‍റെ കുടുംബത്തിന് 10 ലക്ഷം രൂപ ധനസഹായം

തിരുവനന്തപുരം: പ്രണയവിവാഹത്തെത്തുടര്‍ന്ന് ഭാര്യവീട്ടുകാര്‍ തട്ടികൊണ്ടുപോയ ശേഷം കൊല്ലപ്പെട്ട നിലയിൽ കണ്ടെത്തിയ കോട്ടയം എസ്എച്ച് മൗണ്ട് സ്വദേശി കെവിൻ ജോസഫിന്‍റെ കുടുംബത്തിന് സര്‍ക്കാര്‍ ധനസഹായം. പത്തു ലക്ഷം രൂപയുടെ ധനസഹായം നല്‍കാനാണ് മന്ത്രിസഭായോഗത്തിൽ തീരുമാനമായത്.

നിലവിൽ വാടകവീട്ടിൽ കഴിയുന്ന കുടുംബത്തിന് വീടുവയ്ക്കുന്നതിനായിരിക്കും പണം അനുവദിക്കുക. ഇതോടൊപ്പം കെവിന്‍റെ ഭാര്യ നീനുവിന്‍റെ പഠനത്തിന്‍റെ ചെലവും സര്‍ക്കാര്‍ ഏറ്റെടുക്കും.