മലപ്പുറം: മലപ്പുറം രണ്ടത്താണിയിൽ തുണിക്കട കത്തിനശിച്ചു. ദേശീയ പാതയ്ക്ക് സമീപമുള്ള മലേഷ്യ ടെക്സ്റ്റൈയിൽസ് എന്ന കടയാണ് കത്തിനശിച്ചത്. കടയുടെ ഭിത്തി തുരന്ന നിലയിലാണ്. കവർച്ചയ്ക്കുശേഷം തീയട്ടതാകാമെന്ന് കാടാമ്പുഴ പോലീസ് അറിയിച്ചു. രണ്ട് നിലയുള്ള സ്ഥാപനത്തിൻ്റെ ഒരു നില പൂര്ണമായും കത്തിനശിച്ചു.
ഇന്ന് പുലര്ച്ചെ മൂന്ന് മണിക്കാണ് സംഭവം. കടയുടെ ഭിത്തി തുരന്ന് മോഷണം നടത്തിയശേഷം തീയിട്ടതാകാമെന്നാണ് പോലീസ് നിഗമനം. ലക്ഷങ്ങളുടെ നഷ്ടമാണ് ഉണ്ടായതെന്ന് കട ഉടമ അറിയിച്ചു. ഫയര്ഫോഴ്സ് സംഘം തീ നിയന്ത്രണവിധേയമാക്കി.
Also Read: പ്രധാനമന്ത്രിക്കെതിരെ ലേഖനം; ടൈം മാഗസിൻ ലേഖകന് കേന്ദ്രസർക്കാരിന്റെ നോട്ടീസ്