വര്‍ക്കലയില്‍ റിസോര്‍ട്ടിനും കടകള്‍ക്കും തീപിടിച്ചു: ആളപായമില്ല

വര്‍ക്കല: വര്‍ക്കലയിലെ റിസോര്‍ട്ടിനും കടകള്‍ക്കും തീപിടിച്ചു. ആളപായമില്ല. പുലര്‍ച്ചെ 3.30 ഓടെ ആയിരുന്നു സംഭവം. തിരുവമ്പാടി റിസോര്‍ട്ടിനാണ് തീപിടിച്ചത്. അഗ്നി രക്ഷാസേന സ്ഥലത്തെത്തി തീയണച്ചു.

റിസോര്‍ട്ടിനോട് അടുത്തുള്ള കാട്ടില്‍ നിന്നാണോ തീ പടര്‍ന്നതെന്ന് വ്യക്തമല്ല. ഷോര്‍ട്ട് സര്‍ക്യൂട്ടാണ് അപകടകാരണമെന്നാണ് സംശയം. സംഭവത്തില്‍ വിശദമായ അന്വേഷണം നടത്തുമെന്ന് അധികൃതര്‍ പറഞ്ഞു.