ബിജെപി പ്രവര്‍ത്തകന്‍റെ കൊല: 5 സിപിഎം പ്രവര്‍ത്തകര്‍ക്ക് ജീവപര്യന്തം

തലശ്ശേരി: തലശ്ശേരിയിലെ ബിജെപി പ്രവർത്തകൻ ഈങ്ങായിൽ സുരേഷ് ബാബുവിനെ കൊലപ്പെടുത്തിയ കേസില്‍ 5 സിപിഎം പ്രവര്‍ത്തകര്‍ക്ക് ജീവപര്യന്തം. തലശ്ശേരി കോടതിയാണ് ശിക്ഷ വിധിച്ചത് .ജീവപര്യന്ത്യം ശിക്ഷക്കൊപ്പം പ്രതികള്‍ 50,000 രൂപ വീതം പിഴയും അടക്കണം.

സി.പി.എം പ്രവര്‍ത്തകരും കോടിയേരി മൂഴിക്കര സ്വദേശികളുമായ കാട്ടില്‍പ്പറമ്പത്ത് മാക്കാടന്‍ കുനിയില്‍ അഭിനേഷ് എന്ന അഭി, കാണിവയല്‍ വീട്ടില്‍ വി.പി സിജീഷ് എന്ന നാണപ്പന്‍ ഷിജീഷ്, വേലാണ്ടി കണാരിയുടെ മകന്‍ വേലാണ്ടി ഷിബു, കാണിവയല്‍ വി.പി സജീഷ്, വട്ടക്കണ്ടി കാട്ടീന്റവിടെ വി.റിഗേഷ് എന്നിവരാണ് കേസിലെ പ്രതികള്‍.

ഇതോടെ തലശ്ശേരി കോടതിയിൽ മാത്രം 7 മാസത്തിനിടെ 6 രാഷ്ട്രീയ കൊലപാതകക്കേസുകളിലായി ജീവപര്യന്തം ശിക്ഷിക്കപ്പെട്ടവരുടെ എണ്ണം 40 ആയി.