'കേരളത്തിൽ വെള്ളപ്പൊക്ക മുന്നറിയിപ്പ് തുടരും': കേന്ദ്ര ജല കമ്മീഷൻ

ന്യൂഡൽഹി: കേരളത്തിൽ വെള്ളപ്പൊക്ക മുന്നറിയിപ്പ് തുടരുമെന്ന് കേന്ദ്ര ജല കമ്മീഷൻ. കേരളത്തിലെ വെള്ളപ്പൊക്ക ബാധിത ജില്ലകളുടെ പട്ടിക ഇന്നലെ പുറപ്പെടുവിച്ചതിനു പിന്നാലെയാണ് ജല കമ്മീഷൻ ഇക്കാര്യം വ്യക്തമാക്കിയിരിക്കുന്നത്.

Also Read: എട്ട് ജില്ലകളിൽ ഓറഞ്ച് അലേർട്ട്; ആശങ്കയ്ക്കൊപ്പം ആശ്വാസവാർത്തയുമായി കാലാവസ്ഥാ വകുപ്പ്

കേരളത്തിലെ ഏഴ് ജില്ലകൾ വെള്ളപ്പൊക്ക ബാധിത പ്രദേശമാണെന്നാണ് കേന്ദ്ര ജലവിഭവ കമ്മീഷന്റെ റിപ്പോർട്ടിൽ പറയുന്നത്. വയനാട്, ഇടുക്കി, പത്തനംതിട്ട, പാലക്കാട്, കോഴിക്കോട്, കോട്ടയം, തൃശൂർ എന്നീ ജില്ലകൾ വെള്ളപ്പൊക്ക ബാധിത പ്രദേശമാണെന്നാണ് കേന്ദ്രത്തിന്റെ റിപ്പോർട്ട്. പെരിയാർ, ഭാരതപ്പുഴ, പമ്പ, കബനി, വളപട്ടണം, കുറ്റ്യാടി എന്നീ നദികളുടെ തീരത്തുള്ളവർ ജാഗ്രത പാലിക്കണമെന്നും മുന്നറിയിപ്പിൽ പറയുന്നു.

Also Read: സംസ്ഥാനത്ത് നിരീക്ഷണത്തിലുള്ളത് 149295 പേർ; ചികിത്സയിൽ 12737 ആളുകൾ

അതേസമയം, സംസ്ഥാനത്ത് അടുത്ത ദിവസങ്ങളിൽ പൊതുവെ മഴ കുറയുമെന്നാണ് കേന്ദ്ര കാലാവസ്ഥാ വകുപ്പ് അറിയിച്ചിരിക്കുന്നതെന്ന് സംസ്ഥാന ദുരന്ത നിവാരണ അതോരിറ്റിയും വ്യക്തമാക്കി. എന്നാൽ കഴിഞ്ഞ ദിവസങ്ങളിൽ അതിതീവ്രമഴ പെയ്ത മേഖലകളിൽ ശക്തമായ മഴ കിട്ടിയാൽ തന്നെ ഉരുള്‍ പൊട്ടലിനും മണ്ണിടിച്ചിലിനും സാധ്യതയുണ്ടെന്നും ഈ പ്രദേശങ്ങളിൽ ജാഗ്രത തുടരണമെന്നും അതോരിറ്റി നിര്‍ദേശിച്ചു.