യുഎഇ സഹായം സ്വീകരിക്കാൻ നിയമ തടസ്സമെന്ന് സൂചന

ന്യൂഡൽഹി: കേരളത്തിന് യുഎഇ നൽകിയ 700 കോടിയുടെ സഹായം സ്വീകരിക്കുന്നതിൽ നിയമതടസ്സം. വിദേശ രാജ്യങ്ങളുടെ സഹായം സ്വീകരിക്കാൻ ഇന്ത്യക്ക് നയമില്ലെന്നതാണ് കാരണം. യുപിഎ കാലത്ത് ഉണ്ടാക്കിയ വിദേശനയം കാരണമാണിത്. വിദേശ ഏജൻസികളുടെ സഹായം വായ്പയായി മാത്രമേ സ്വികരിക്കാൻ സാധിക്കൂയെന്ന് വിദേശകാര്യ വൃത്തങ്ങൾ സൂചിപ്പിക്കുന്നു.

ഉത്തരാഖണ്ഡിൽ പ്രളയം ഉണ്ടായപ്പോഴും സുനാമി വന്നപ്പോഴും വിദേശസഹായം ഇന്ത്യ സ്വീകരിച്ചിരുന്നില്ല. ഉത്തരഖണ്ഡ് ദുരന്തത്തില്‍ അമേരിക്കന്‍ സഹായം ഇന്ത്യ നിരകരിച്ചിരുന്നു. പ്രകൃതി ദുരന്തങ്ങൾ ഉണ്ടായപ്പോൾ യുഎൻ, റഷ്യ, ചൈന തുടങ്ങിയ രാജ്യങ്ങൾ പ്രഖ്യാപിച്ചിരുന്ന സഹായങ്ങൾ യുപിഎ സർക്കാരുകൾ നിരസിച്ചിരുന്നു.

സംസ്ഥാന സർക്കാരുകൾക്ക് നേരിട്ട് വിദേശരാജ്യവുമായി വായ്പയായി പണം സ്വീകരിക്കാനും സാധിക്കില്ല. കേന്ദ്രത്തിൻെറ കൂടി പിന്തുണ ഉണ്ടായാൽ മാത്രമേ വായ്പയായി പണം സ്വീകരിക്കാനും സാധിക്കുകയുള്ളൂ.