KSU ജില്ലാ പ്രസിഡണ്ടിന്‍റെ വീട്ടിൽ DYFI റീത്ത്

കൊച്ചി: കെഎസ്‍യു എറണാകുളം ജില്ലാ പ്രസിഡന്റ് ടിറ്റോ ആന്റണിയുടെ വീട്ടില്‍ ഡിവൈഎഫ്‌ഐയുടെ പേരില്‍ റീത്ത്. ടിറ്റോ ആന്റണിയുടെ വൈപ്പിൻ ഞാറയ്ക്കലിലെ വീടിനും കടയ്ക്കും മുന്നിലാണ് രണ്ടു റീത്തുകള്‍ കണ്ടത്. ആദരാഞ്ജലിയെന്നും ഡിവൈഎഫ്‌ഐ എന്നുമാണ് റീത്തില്‍ എഴുതിയിരിക്കുന്നത്.



റീത്ത് വച്ചത് ഡിവൈഎഫ് തന്നെയാണെന്നാണ് കെഎസ് യു നേതാക്കള്‍ പറയുന്നത്. മഹാരാജാസ് കോളജിലെ സംഘര്‍ഷവുമായി ബന്ധപ്പെട്ട് ടിറ്റോ ആന്റണിക്ക് വധഭീഷണി നിലനില്‍ക്കുന്നുണ്ടെന്നു കെഎസ് യു നേതൃത്വം നേരത്തേ പറഞ്ഞിരുന്നു. ഇതിനു പിന്നാലെയാണ് വീടിനു മുന്നിലും കടയ്ക്കു മുന്നിലും റീത്ത് പ്രത്യക്ഷപ്പെട്ടത്.

റീത്ത് പ്രത്യക്ഷപ്പെട്ട സംഭവത്തില്‍ പ്രദേശവാസികളടക്കം പ്രതിഷേധവുമായി രംഗത്തെത്തി. സംഭവത്തെ തുടർന്ന് പോലീസിൽ പരാതി നല്‍കാനാണ് ടിറ്റോയുടെ തീരുമാനം.

flower wreath placed by DYFI @ ksu dist.president's house.