കനത്ത മൂടല്‍ മഞ്ഞ്; കൊച്ചിയിലിറങ്ങേണ്ട 10 വിമാനങ്ങള്‍ വഴിതിരിച്ചുവിട്ടു

കൊച്ചി: കനത്ത മൂടല്‍മഞ്ഞിനെ തുടര്‍ന്ന് നെടുമ്പാശേരി വിമാനത്താവളത്തില്‍ ലാന്‍ഡ് ചെയ്യേണ്ട 10 വിമാനങ്ങള്‍ വഴിതിരിച്ചുവിട്ടു. റണ്‍വെ കാണാന്‍ സാധിക്കാത്ത വിധത്തില്‍ മഞ്ഞ് വ്യാപിച്ചതോടെയാണ് വിമാനങ്ങള്‍ ഗതിതിരിച്ചു വിട്ടത്.

ഗള്‍ഫില്‍ നിന്നുള്ള അഞ്ചു വിമാനങ്ങളെയും അഞ്ച് ആഭ്യന്തര സര്‍വീസുകളെയുമാണ് മൂടല്‍മഞ്ഞ് ബാധിച്ചത്. ഈ വിമാനങ്ങള്‍ കോഴിക്കോട്, തിരുവനന്തപുരം, ചെന്നൈ വിമാനത്താവളങ്ങളിലേക്കാണ് വഴിതിരിച്ചുവിട്ടത്.