വിമാനത്താവളത്തിൽ നിന്ന് വീണ്ടും വിദേശകറൻസി പിടിച്ചു

കൊച്ചി: നെടുമ്പാശ്ശേരി വിമാനത്താവളത്തിൽ വിദേശകറൻസികളുമായി തുടര്‍ച്ചയായ രണ്ടാം ദിവസവും വിദേശകറൻസികള്‍ പിടികൂടി. ഷാര്‍ജയിലേയ്ക്ക് കടത്താൻ ശ്രമിച്ച 1.3 കോടി രൂപ മൂല്യമുള്ള വിദേശ കറൻസികളാണ് കസ്റ്റംസ് പിടികൂടിയത്. തൃശൂര്‍ സ്വദേശി വിഷ്ണുവിനെ സംഭവത്തിൽ അറസ്റ്റ് ചെയ്തു.

ഇന്നലെയും സമാനമായ സംഭവം വിമാനത്താവളത്തിൽ ഉണ്ടായിരുന്നു. 11 കോടി രൂപ മൂല്യം വരുന്ന വിദേശ കറൻസികളുമായി അഫ്ഗാൻ സ്വദേശിയാണ് പിടിയിലായത്. ദില്ലിയി. നിന്ന് എയര്‍ ഇന്ത്യ വിമാനത്താവളത്തിൽ കൊച്ചിയിലെത്തിയ ഇയാള്‍ മറ്റൊരു വിമാനത്തിൽ ദുബായിലേയ്ക്ക് കടക്കാൻ ശ്രമിക്കുന്നതിനിടെയാണ് പിടിയിലായത്. ഇവര്‍ക്ക് തീവ്രവാദബന്ധം ഉണ്ടോ എന്നതടക്കമുള്ള കാര്യങ്ങളിൽ കസ്റ്റംസ് അന്വേഷണം തുടങ്ങിയിട്ടുണ്ട്.