മന്ത്രിമാരുടെ വിദേശയാത്ര; ചീഫ് സെക്രട്ടറി അനുമതി നേടി

തിരുവനന്തപുരം: സംസ്ഥാന പുനര്‍നിര്‍മ്മാണത്തിന് സഹായം തേടിയുള്ള മന്ത്രിമാരുടെ വിദേശയാത്രക്കുള്ള അനുമതി ആവശ്യപ്പെട്ടുകൊണ്ട് ചീഫ് സെക്രട്ടറി ടോം ജോസഫ് ഐഎഎസ് വിദേശ്യകാര്യ വകുപ്പിന് കത്ത് നല്‍കി. ചീഫ് സെക്രട്ടറി കത്ത് നല്‍കിയ സാഹചര്യത്തില്‍ അപേക്ഷ തള്ളിക്കളയില്ലെന്ന വിശ്വാസത്തിലാണ് സര്‍ക്കാര്‍.

മന്ത്രിമാരുടെ വിദേശയാത്ര അനിശ്ചിതത്വത്തിലായിരിക്കുന്ന വേളയിലാണ് അഭ്യര്‍ത്ഥന കത്തുമായി ചീഫ് സെക്രട്ടറി രംഗത്തെത്തിയത്. എന്നാല്‍ കേന്ദ്ര സര്‍ക്കാരില്‍ നിന്നുള്ള മറുപടി ഇതുവരെ ലഭിച്ചിട്ടില്ല.

ഈ മാസം 17 മുതല്‍ 21 വരെയാണ് മന്ത്രിമാര്‍ വിദേശയാത്ര നടത്താന്‍ തീരുമാനിച്ചിരിന്നത്. യാത്രക്കുവേണ്ടി ആദ്യം നല്‍കിയ അപേക്ഷയില്‍ കേന്ദ്ര സര്‍ക്കാരില്‍ നിന്ന് അനുകൂല നിലപാട് ഉണ്ടായിരുന്നില്ല. അതോടൊപ്പം മുഖ്യമന്ത്രിക്കു മാത്രമാണ് യാത്രക്കായുള്ള അനുമതി നല്‍കിയിത്.