ജസ്റ്റിസ് ഡി ശ്രീദേവി അന്തരിച്ചു

കൊച്ചി: കേരള ഹൈക്കോടതി മുന്‍ ജഡ്ജിയും സംസ്ഥാന വനിത കമ്മീഷന്‍ മുന്‍ അധ്യക്ഷയുമായ ജസ്റ്റിസ് ഡി ശ്രീദേവി അന്തരിച്ചു. പുല‍ർച്ചെ രണ്ട് മണിയോടെയാണ് അന്ത്യം. കരള്‍ രോഗത്തെ തുടര്‍ന്ന് ഏറെ നാളെയായി ചികിത്സയിലായിരുന്നു.

സംസ്‌കാരം ഇന്ന് വൈകീട്ട് അഞ്ചിന് എറണാകുളം രവിപുരം ശ്മാനശാനത്തില്‍ നടക്കും. 1997ലാണ് കേരള ഹൈക്കോടതി ജഡ്ജ് ആയി സേവനം ആരംഭിച്ചത്. 2001ല്‍ വിരമിച്ചപ്പോഴാണ് കേരളാ വനിതാ കമ്മീഷന്റെ സംസ്ഥാന ചെയര്‍പേഴ്‌സണ്‍ ആയി നിയമിക്കപെട്ടത്. മികച്ച സാമൂഹിക പ്രവര്‍ത്തകര്‍ക്കുള്ള അക്കാമ്മ ചെറിയാന്‍ അവാര്‍ഡ് ലഭിച്ചിട്ടുണ്ട്.