ദേഹാസ്വാസ്ഥ്യം; വി എസ് അച്യുതാനന്ദനെ ആശുപത്രിയിൽ പ്രവേശിപ്പിച്ചു

തിരുവനന്തപുരം: മുതിർന്ന സിപിഎം നേതാവും ഭരണപരിഷ്കാര കമ്മീഷൻ ചെയർമാനുമായ വി എസ് അച്യുതാനന്ദനെ ദേഹാസ്വാസ്ഥ്യത്തെത്തുടർന്ന് ആശുപത്രിയിൽ പ്രവേശിപ്പിച്ചു. ഉള്ളൂരിലുള്ള സ്വകാര്യ ആശുപത്രിയിലാണ് വിഎസ് ഇപ്പോഴുള്ളത്. മൂന്ന് ദിവസമെങ്കിലും തീവ്രപരിചരണ വിഭാഗത്തിൽ അദ്ദേഹം നിരീക്ഷണത്തിലായിരിക്കുമെന്ന് ഡോക്ടർമാർ വ്യക്തമാക്കി.

Also read: വിപ്ലവ യുവത്വത്തിന് 96ാം പിറന്നാൾ; എതിരാളികൾക്ക് തളർത്താനാകാത്ത പോരാട്ട വീര്യവുമായി വിഎസ്

ശ്വാസതടസ്സവും രക്തസമ്മർദ്ദവും ഉണ്ടായതിനെത്തുടർന്നാണ് വിഎസിനെ ആശുപത്രിയിൽ പ്രവേശിപ്പിച്ചത്. സ്ട്രോക്കിന്റെ ലക്ഷണങ്ങൾ കണ്ടതിനെത്തുടർന്നാണ് വിഎസിനെ നിരീക്ഷണത്തിൽ വെച്ചിരിക്കുന്നത്. ആരോഗ്യ നിലയിൽ ആശങ്കവേണ്ടെന്ന് ഡോക്ടർമാർ വ്യക്തമാക്കി. മുഖ്യമന്ത്രി പിണറായി വിജയൻ വിഎസിനെ ആശുപത്രിയിൽ സന്ദർശിച്ചു.