സിപിഐ നേതാവും വൈക്കം മുൻ എംഎൽഎയുമായ പി നാരായണൻ അന്തരിച്ചു

കോട്ടയം: മുൻ എംഎൽഎയും സിപിഐ നേതാവുമായ പി നാരായണൻ (68) അന്തരിച്ചു. ഇന്ന് രാവിലെ ആറ് മണിയോടെയാണ് സ്വന്തം വസതിയിൽ വെച്ചാണ മരണം സംഭവിച്ചത്. സംസ്‌കാരം ഇന്ന് വൈകീട്ട് അഞ്ച് മണിക്ക് നഗരസഭ പൊതുശ്‌മശാനത്തിൽ നടക്കും.

Also Read: ചെരുപ്പിനുള്ളിൽ സ്വർണം, ബാഗിൽ 40 ഐഫോണുകളുകൾ; കോഴിക്കോട് വിമാനത്താവളത്തിൽ രണ്ട് പേർ പിടിയിൽ

വാർധക്യ സഹജമായ അസൂഖങ്ങളെ തുടർന്ന് ചികിത്സയിൽ കഴിയുകയായിരുന്നു. ഇതിനിടെയാണ് മരണം സംഭവിച്ചത്. 1998 മുതൽ രണ്ട് തവണ വൈക്കത്ത് നിന്നും നിയമസഭയിലെത്തിയ വ്യക്തിയാണ് നാരായണൻ. 2001 ലെ തെരഞ്ഞെടുപ്പിലും വൈക്കത്തെ പ്രതിനിധീകരിച്ച് അദ്ദേഹം നിയമസഭയിലെത്തി.

Also Read: ബംഗാള്‍ ഉള്‍ക്കടലില്‍ വീണ്ടും ന്യൂനമര്‍ദം? ഡാമുകളില്‍ ജലനിപരപ്പ് ഉയരാം, കേരളത്തിന് മുന്നറിയിപ്പ്

വൈക്കം നഗരസഭ വൈസ് ചെയർമാൻ, സിപിഐ ജില്ല എക്സിക്യൂട്ടീവ് അംഗം എന്നീ നിലകളിൽ പ്രവർത്തിച്ചിട്ടുണ്ട്. തിരുവിതാംകൂർ ദേവസ്വം ബോർഡ് മെമ്പർ സ്ഥാനം വഹിച്ചിരുന്നു.