കുട്ടനാട് നിയമസഭ തെരഞ്ഞെടുപ്പ്: ടി പി സെന്‍കുമാര്‍ സ്ഥാനാര്‍ഥിയാകും, എന്‍ഡിഎയ്‌ക്കൊപ്പമെന്ന് സുഭാഷ് വാസു

ആലപ്പുഴ: കുട്ടനാട് നിയമസഭാ ഉപതെരഞ്ഞെടുപ്പില്‍ മുന്‍ ഡിജിപി ടി പി സെന്‍കുമാര്‍ ബിഡിജെഎസ് സുഭാഷ് വാസു വിഭാഗം സ്ഥാനാര്‍ഥിയായി മത്സരിക്കും. സുഭാഷ് വാസു എന്‍ഡിഎയ്‌ക്കൊപ്പമാണെന്ന് പറഞ്ഞു.

കുട്ടാനാട് സീറ്റ് നിലവില്‍ ബിജെപി സഖ്യകക്ഷിയായ ബിഡിജെഎസിനാണ് അനുവദിച്ചിട്ടുള്ളത്. ബിഡിജെഎസ് അധ്യക്ഷന്‍ തുഷാര്‍ വെള്ളാപ്പള്ളിയ്‌ക്കെതിരെ ഗുരുതര ആരോപണവുമായി സെന്‍കുമാറും സുഭാഷ് വാസുവും ഇതിനുമുമ്പ് രംഗത്തെത്തിയിരുന്നു. തുടര്‍ന്ന്, തുഷാര്‍ സെന്‍കുമാറിന് ഡിജിപി പദവി ലഭിച്ചത് എസ്എന്‍ഡിപിയുടെ ക്രെഡിറ്റിലാണെന്ന കാര്യം മറക്കരുതെന്നും തുഷാര്‍ പറഞ്ഞു. തര്‍ക്കങ്ങള്‍ക്ക് പിന്നാലെ സുഭാഷ് വാസുവിനെ ബിഡിജെസില്‍ നിന്നും തുഷാര്‍ പുറത്താക്കുകയും ചെയ്തിരുന്നു.