മന്ത്രി എം എം മണിയുടെ രാജി ആവശ്യപ്പെട്ട് ഉമ്മന്‍ ചാണ്ടിയും

പാലക്കാട്: മന്ത്രി എം എം മണി രാജി വെക്കേണ്ടത് ധാര്‍മികതയുടെ പശ്ചാത്തലത്തിലാണെന്ന് മുന്‍ മുഖ്യമന്ത്രി ഉമ്മന്‍ ചാണ്ടി. കൊലപ്പെടുത്തിയെന്നു വിളിച്ചു പറഞ്ഞതും കുറ്റമേറ്റതും മണി തന്നെയാണ്. ധാർമികത ആരെയും അടിച്ചേൽപ്പിക്കേണ്ടതല്ല, അതു സ്വയം തീരുമാനിക്കേണ്ടതാണെന്നും ഉണ്മന്‍ ചാണ്ടി പാലക്കാട് പറഞ്ഞു.


മറ്റുള്ളവർ ധാർമിക പാലിക്കണം, തങ്ങൾക്ക് എന്തുമാകാം എന്നതാണ് സിപിഎമ്മിന്റെ നിലപാട്. യുഡിഎഫ് സർക്കാരിന്റെ കാലത്ത് മുഖ്യമന്ത്രിക്കും മന്ത്രിമാർക്കുമെതിരെ ആരോപണം ഉയരുമ്പോൾ പോലും രാജി ആവശ്യം ഉന്നയിച്ചിരുന്ന സിപിഎം ഇപ്പോൾ ആ നിലപാടിൽ നിന്നു മാറി. മണി രാജിവയ്ക്കേണ്ടതില്ലെന്ന സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്റെ പ്രഖ്യാപനത്തോടെ ആ പാർട്ടിയുടെ തനിനിറം പുറത്തായിരിക്കുകയാണ്.

മണി രാജിവയ്ക്കേണ്ടതില്ലെന്ന സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്റെ പ്രഖ്യാപനത്തോടെ ആ പാർട്ടിയുടെ തനിനിറം പുറത്തായി. കേസ് രാഷ്ട്രീയ പ്രേരിതമെന്ന എം.എം.മണിയുടെ ആരോപണം തെറ്റാണെന്നും ഉമ്മന്‍ ചാണ്ടി പറഞ്ഞു.


Calls for Mani's Resignation:

Former Kerala CM Oommen Chandy demanded Minister MM Mani's resignation. Mani should resig by himself on moral background, said the former CM.