'ഇയാള് നമ്മളെ കുഴപ്പത്തിലാക്കും'; ജലീൽ സംസാരിക്കുന്നതിനിടെ കെ കെ ശൈലജയുടെ ആത്മഗതം

തിരുവനന്തപുരം: നിയമസഭയിൽ ലോകായുക്ത ബില്ലിന്മേലുള്ള ചർച്ചയ്‍ക്കിടെ കെ ടി ജലീൽ സംസാരിക്കുന്നതിനു തൊട്ടുമുമ്പ് കെ കെ ശൈലജയുടെ ആത്മഗതം. 'ഇയാള് നമ്മളെ കുഴപ്പത്തിലാക്കും' എന്നായിരുന്നു മൈക്ക് ഓൺ ആണെന്ന് ശ്രദ്ധിക്കാതെയുള്ള ശൈലജയുടെ ആത്മഗതം. പ്രസംഗം പൂർത്തിയാക്കിയതിനു പിന്നാലെയാണ് കെ കെ ശൈലജയുടെ പരാമർശം മൈക്കിൽ പതിഞ്ഞത്. ശേഷം ചിരിയോടെ കെ കെ ശൈലജ ഇരിപ്പിടത്തിൽ ഇരുന്നു.

വിഴിഞ്ഞം സമരം സര്‍ക്കാരിനെ അട്ടിമറിക്കാനല്ല; ആസൂത്രിതമെന്ന മുഖ്യമന്ത്രിയുടെ നിലപാട് ദൗര്‍ഭാഗ്യകരം, ചര്‍ച്ച നടത്തണം: വിഡി സതീശൻ
നിയമസഭയിൽ അവതരിപ്പിച്ച ലോകായുക്ത ബില്ലിന്മേലുള്ള ചർച്ചയിൽ സംസാരിക്കുകയായിരുന്നു കെ കെ ശൈലജ. പ്രസംഗം പൂർത്തിയാക്കി കെ കെ ശൈലജ ഇരുന്നതിനു പിന്നാലെ, മുമ്പ് ലോകായുക്തയുടെ വിധിയെ തുടർന്ന് രാജിവെക്കേണ്ടി വന്ന കെ ടി ജലീൽ സംസാരിക്കാനായി എഴുന്നേറ്റിരുന്നു. ഇതിനിടെയാണ് 'ഇയാള് നമ്മളെ കുഴപ്പത്തിലാക്കും' എന്ന് ശൈലജ പറഞ്ഞത്. മൈക്ക് ഓഫല്ലാത്തതിനാൽ പരാമർശം പുറത്തേക്ക് കേൾക്കുകയായിരുന്നു. പരാമർശം കെ ടി ജലീലിനെതിരെയാണെന്ന വ്യാഖ്യാനം ഉണ്ടായതോടെ വിശദീകരണവുമായി കെ കെ ശൈലജ ഫേസ്ബുക്കിലൂടെ രംഗത്തെത്തി. ഒരു വാചകം തെറ്റിദ്ധരിപ്പിക്കുന്ന തരത്തിൽ പ്രചരിപ്പിക്കപ്പെടുന്നത് ഖേദകരമാണെന്ന് കെ കെ ശൈലജ കുറിച്ചു.

Sthree Sakthi SS- 327 Lottery Result: 75 ലക്ഷം ഈ നമ്പറിന്, നറുക്കെടുപ്പ് വിവരങ്ങൾ
"നിയമസഭയിൽ ചൊവ്വാഴ്ച ലോകായുക്ത (ഭേദഗതി) ബിൽ സബ്ജക്ട് കമ്മറ്റിക്ക് അയക്കാനുള്ള പ്രമേയം അവതരിപ്പിച്ചത് ഞാനാണ്. പ്രസംഗത്തിനിടെ ബഹു അംഗം കെ ടി ജലീൽ ഒരു ചോദ്യം ഉന്നയിച്ചു. അതിനു വഴങ്ങി സീറ്റിൽ ഇരിക്കുമ്പോൾ, പ്രസംഗ സമയം നഷ്ടപ്പെടുമല്ലോ എന്നോർത്ത് അടുത്തിരുന്ന സ. സജി ചെറിയാനോട് പറഞ്ഞ ഒരു വാചകം തെറ്റിദ്ധരിപ്പിക്കുന്ന തരത്തിൽ പ്രചരിപ്പിക്കപ്പെടുന്നത് ഖേദകരമാണ്. അത് ഡോ. ജലീലിനെതിരാണെന്ന ആക്ഷേപം കഴമ്പില്ലാത്തതും ദുരുപദിഷ്ടവുമാണ്".- കെ കെ ശൈലജ കുറിച്ചു.