മലപ്പുറം: മുൻ എംഎൽഎയും കോൺഗ്രസ് നേതാവുമായ പി ടി മോഹനകൃഷ്ണൻ (85) അന്തരിച്ചു. എടപ്പാളിലെ സ്വകാര്യ ആശുപത്രിയിലാണ് അന്ത്യം. 1987-1991 വരെ പൊന്നാനിയിലെ എംഎൽഎയായിരുന്നു പി ടി മോഹനകൃഷ്ണൻ.
Also Read: മരടിലെ ഫ്ലാറ്റുകൾ നിലംപതിക്കാൻ ഒരു ദിനം മാത്രം; ഇന്ന് മോക് ഡ്രില്, കർശന സുരക്ഷ!
1935 മാർച്ച് 27 ന് പൊന്നാനായിലാണ് പി ടി മോഹനകൃഷ്ണൻ്റെ ജനനം. ഗുരുവായൂര് ദേവസ്വം ബോര്ഡ് ചെയര്മാൻ, കേരള സ്റ്റേറ്റ് ബാമ്പു കോർപ്പറേഷൻ ചെയർമാൻ, കെപിസിസി നിര്വ്വാഹക സമിതി അംഗം, മലപ്പുറം ജില്ലാ യുഡിഎഫ് ചെയര്മാൻ എന്നീ പദവികളും അദ്ദേഹം വഹിച്ചിട്ടുണ്ട്. കെ കരുണാകരനുമായി അടുത്ത ബന്ധം പുലര്ത്തിയ കോൺഗ്രസ് നേതാക്കളിൽ ഒരാളിയായിരുന്നു പി ടി മോഹനകൃഷ്ണൻ.
Also Read: ചെന്നിത്തല ആഭ്യന്തര മന്ത്രിയായത് താക്കോൽദാന ശസ്ത്രക്രിയയിലൂടെ: ടി പി സെൻകുമാർ
ഭാര്യ നളിനി മോഹനകൃഷ്ണൻ, മക്കൾ; പി ടി അജയ് മോഹൻ (കെപിസിസി സെക്രട്ടി), പി ടി സുധീർ ഗോവിന്ദ്, ആശ രാമചന്ദ്രൻ, സിന്ധു ഉണ്ണി, ഹേമ മോഹൻ. സംസ്കാരചടങ്ങുകള് നാളെ ആകാനാണ് സാധ്യത.