മലപ്പുറം കോട്ടയ്ക്കലിൽ ലോറിയും കാറും കൂട്ടിയിടിച്ച് നാല് മരണം

മലപ്പുറം കോട്ടയ്ക്കലിൽ ലോറിയും ഇന്നോവ കാറും കൂട്ടയിടിച്ച് നാലുപേർ മരിച്ചു. നാലു പേർക്ക് പരിക്കേറ്റിട്ടുണ്ട്. കണ്ണൂർ ചൊക്ലി സ്വദേശികളായ ഷംസീർ, പർവീസ്, നൗഫൽ, ഷംസീർ എന്നിവരാണ് മരിച്ചത്. ഇന്ന് പുലർച്ചെ നാലരയോടെയാണ് അപകടം ഉണ്ടായത്.

കോട്ടയ്ക്കൽ പാലച്ചിറമാടാണ് അപകടം നടന്നത്. നിയന്ത്രണം വിട്ട ലോറി കാറിന്റെ മുകളിലേക്ക് മറിഞ്ഞാണ് അപകടമുണ്ടായത്. നാലുപേരും സംഭവ സ്ഥലത്തുതന്നെ മരിച്ചു. പരിക്കേറ്റവരെ കോട്ടയ്ക്കലിലെ സ്വകാര്യ ആശുപത്രിയിൽ പ്രവേശിപ്പിച്ചിരിക്കുകയാണ്. ഇവരുടെ നില ഗുരുതരമാണ്.

കണ്ടെയ്‌നർ ലോറിയുടെഅമിത വേഗതയാണ് അപകടകാരണമെന്നാണ് സൂചന.