തൃശൂരിൽ കാർ അപകടത്തിൽ പെട്ട് ഒരു കുടുംബത്തിലെ നാല് പേർ മരിച്ചു

പെരിഞ്ഞനം: തൃശൂരിൽ പെരിഞ്ഞനത്ത് കാറും ലോറിയും തമ്മിൽ കൂട്ടിയിടിച്ച് ഒരു കുടുംബത്തിലെ നാല് പേർ മരിച്ചു. ആലുവ പളളിക്കര സ്വദേശികളായ രാമകൃഷ്ണൻ (68) നിഷ (33) ദേവനന്ദ (3) നിവേദിക (2) എന്നിവരാണ് മരിച്ചത്.

തിങ്കളാഴ്ച ഉച്ചയ്ക്ക് ശേഷമാണ് പെരിഞ്ഞനം ദേശീയപാതയിൽ അപകടം ഉണ്ടായിരുന്നത്. കാർ ലോറിയുമായി കൂട്ടിയിടിക്കുകയായിരുന്നു. ഡ്രൈവർ ഉറങ്ങിപ്പോയതാണ് അപകടത്തിന് കാരണമെന്നാണ് പ്രാഥമിക റിപ്പോർട്ട്. അപകടവുമായി ബന്ധപ്പെട്ട കൂടുതൽ വിവരങ്ങൾ ലഭ്യമായിട്ടില്ല.