നാലു മൃതദേഹങ്ങൾ കൂടി കണ്ടെടുത്തു: മരണം 58 ആയി

കോഴിക്കോട്: ഓഖി ചുഴലിക്കാറ്റിൽ കാണാതായ മൽസ്യത്തൊഴിലാളികളിൽ നാലു പേരുടെ മൃതദേഹങ്ങൾ കൂടി കണ്ടെത്തിയതോടെ മരിച്ചവരുടെ എണ്ണം 58 ആയി. ബേപ്പൂർ തീരത്ത് നിന്ന് മൂന്നും ചെല്ലാനത്ത് നിന്ന് ഒന്നും മൃതദേഹങ്ങളാണ് കണ്ടെത്തിയത്.

കേന്ദ്ര സംസ്ഥാന സർക്കാരുകളുടെ കീഴിൽ തെരച്ചിൽ നടത്തുന്നവർ ഇനിയും അത് തുടരുമെന്ന് മുഖ്യമന്ത്രി രാവിലെ നടത്തിയ പത്രസമ്മേളനത്തിൽ അറിയിച്ചു. ഇന്നലെ കോഴിക്കോട്, താനൂർ, കൊച്ചി തീരങ്ങളിൽ നിന്ന് മൃതദേഹങ്ങൾ കണ്ടെടുത്തിരുന്നു. തിരുവനന്തപുരം മെഡിക്കൽ കോളജ് ആശുപത്രിയിൽ സൂച്ചിരുന്ന ഒരു മൃതദേഹം കൂടി തിരിച്ചറിഞ്ഞു. ഡിഎൻഎ പരിശോധനയിൽ കൂടിയാണ് പൊഴിയൂർ സൗത്ത് കൊല്ലങ്കോട് കൊയ്പ്പള്ളി വിളാകം ജസ്റ്റിന്റെ മകൻ മേരി ജോണിന്‍റെ മൃതദേഹം തിരിച്ചറിഞ്ഞത്.