കൊച്ചിക്കാർക്ക് കൗതുകമായി കറുത്ത വിമാനം

കൊച്ചിക്കാരെ അത്ഭുതപ്പെടുത്തി കറുത്തവിമാനം പറന്നിറങ്ങി. ഫോർ സീസൺസ് എന്ന സ്വകാര്യ ചാർട്ടർ വിമാനമാണ് എൺപതോളം വരുന്ന വിനോദസഞ്ചാരികളുമായി നെടുമ്പാശ്ശേരിയിൽ എത്തിയത്. വിമാനത്തിന്‍റെ കറുപ്പ് നിറമാണ് വളരെ ആകർഷണീയമായത്. കേരളത്തിന്‍റെ പ്രകൃതിഭംഗി ആസ്വദിക്കാൻ സഞ്ചാരികളുമായി മുംബൈയിൽ നിന്നായിരുന്നു വിമാനമെത്തിയത്. കേരളത്തിൽ രണ്ടുദിവസം ചിലവഴിച്ച് ഇന്നലെ വൈകിട്ട് വിമാനം മുംബൈയിലേക്ക് മടങ്ങി.

അമേരിക്കയിലെ ടാഗ് ഏവിയേഷന്‍റെ ഉടമസ്ഥതിയലുള്ളതാണ് കറുത്ത നിറത്തിലുള്ള വിമാനം. ലണ്ടനിൽ നിന്നും നിരന്തരമായി വിനോദയാത്രകൾ സംഘടിപ്പിക്കുന്ന ചാർട്ടർ കമ്പനിയാണ് ഫോർ സീസൺസ്. ഇവർ ആദ്യമായാണ് കേരളത്തിൽ എത്തുന്നത്. കൊച്ചിയുൾപ്പെടെ ഇന്ത്യയിലെ പ്രധാനപ്പെട്ട പത്ത് വിനോദ സഞ്ചാര കേന്ദ്രങ്ങൾ കൂടി സംഘം സന്ദർശിക്കുന്നതായിരിക്കും.

ബോയിങ് 757-200 വിമാനമാണ് ഫോർ സീസൺ ഇന്ത്യൻ യാത്രയ്ക്ക് ഉപയോഗിച്ചത്. 80 പേർക്ക് യാത്രചെയ്യാൻ കഴിയുന്ന വിമാനത്തിൽ പ്രീമിയം സൗകര്യങ്ങൾ ഉൾപ്പെടുത്തിയിട്ടുണ്ട്. ആഡംബരത നിറഞ്ഞതാണ് ഇതിലെ അകത്തളം. ചാർട്ടർ വിമാന സർവീസുകൾക്കും സ്വകാര്യ ജെറ്റ് വിമാനങ്ങൾക്കും പ്രത്യേക ടെർമിനലുകൾ കൊച്ചി വിമാനത്താവളത്തിലുണ്ട്.

Four seasons black aero plane in kochi

Four seasons black aero plane has landed in kochi with 80 passengers. This is the first ever black aero plane coming to India.