ലോകം വാഴ്‍ത്തിയ കേരള ബ്ലോഗ് എക്‌സ്പ്രസ് നാലാം പതിപ്പ് സമാപിച്ചു

തിരുവനന്തപുരം: കേരളത്തിന്‍റെ വിനോദസഞ്ചാര സൗന്ദര്യം സോഷ്യല്‍ മീഡിയയില്‍ ട്രെന്‍ഡിങ് ആക്കിയ കേരള ബ്ലോഗ് എക്‌സ്പ്രസ് നാലാം പതിപ്പ് സമാപിച്ചു.

ചിത്രങ്ങളിലൂടെയും സാഹസിക റോഡ് യാത്രകളിലൂടെയും വിദേശ ബ്ലോഗര്‍മാരെ ബ്ലോഗ് എക്‌സ്പ്രസ് കൊണ്ടുപോയി. യുകെ, ജര്‍മ്മനി, ഇറ്റലി, സ്‌പെയിന്‍ തുടങ്ങി യൂറോപ്പിന്‍റെ വിവിധ ഭാഗങ്ങളിലെ 28 ലധികം രാജ്യങ്ങളില്‍ നിന്ന് 30 ഓളം ബ്ലോഗര്‍മാരാണ് കേരള ബ്ലോഗ് എക്‌സ്പ്രസില്‍ പങ്കെടുത്തത്.


കേരള ബ്ലോഗ് എക്സ്‍പ്രസ്

കേരളത്തിന്‍റെ വിനോദസഞ്ചാര സാധ്യതകള്‍ വിവിധങ്ങളായ സമൂഹ മാധ്യമങ്ങള്‍ വഴി പ്രചരിപ്പിക്കാന്‍ കേരള ബ്ലോഗ് എക്‌സ്പ്രസിന് സാാധിക്കുമെന്ന് കേരള ടൂറിസം വകുപ്പിന് വിശ്വാസമുണ്ടെന്നും അതുവഴി കേരള ടൂറിസത്തിനും സമ്പദ്‍വ്യവസ്ഥയ്ക്കും വളര്‍ച്ചയുണ്ടാകുമെന്നും മന്ത്രി കടകംപള്ളി സുരേന്ദ്രന്‍ പറഞ്ഞു.


കേരള ബ്ലോഗ് എക്സ്‍പ്രസ്

9000 ട്വീറ്റുകള്‍ ബ്ലോഗ് എക്‌സ്പ്രസ് സമ്പാദിച്ചു. മൂന്നുലക്ഷത്തിലധികം പേര്‍ കേരള ടൂറിസം വെബ്‌സൈറ്റ് സന്ദര്‍ശിച്ചു. ഇന്‍സ്റ്റഗ്രാം ചെയ്യപ്പെട്ടത് 2000ല്‍ അധികം ചിത്രങ്ങള്‍. ഇതിനെല്ലാം പുറമെ വിദേശ ട്രാവല്‍ ബ്ലോഗുകളില്‍ നൂറിലധികം തവണ കേരളം പരാമര്‍ശിക്കപ്പെട്ടു. ചെക് റിപ്പബ്ലിക്ക്, പോളണ്ട്, ബള്‍ഗേറിയ, ഫ്രാന്‍സ്, ന്യൂസിലന്റ്, ഇറ്റലി എന്നിവിടങ്ങളിലെ വിവിധ മാധ്യമങ്ങളില്‍ കേരള ബ്ലോഗ് എക്‌സ്പ്രസ് ചര്‍ച്ചയായി.

Fourth edition of ‘Kerala Blog Express’ culminates on high note

After receiving a thumbs-up from enthusiastic travelers in the far reaches of France and Poland, the fourth edition of the Kerala Blog Express concluded.