കൊവിഡ് ബാധിച്ച് മരിച്ച ഖദീജക്കുട്ടിയുടെ മൃതദേഹം സംസ്‌കരിച്ചു

തൃശ്ശൂര്‍: തൃശ്ശൂരില്‍ കൊവിഡ് ബാധിച്ച മരിച്ച ചാവക്കാട് സ്വദേശി ഖദീജക്കുട്ടിയുടെ (73) മൃതദേഹം സംസ്‌ക്കരിച്ചു. രാവിലെ അടിതിരുത്തി ഖബറിസ്ഥാനിലായിരുന്നു സംസ്‌കാരം. കൊവിഡ് അന്താരാഷ്ട്ര പ്രോട്ടോക്കോള്‍ പൂര്‍ണ്ണമായും പാലിച്ചുകൊണ്ടായിരുന്നു സംസ്‌ക്കാര ചടങ്ങുകള്‍ പൂര്‍ത്തിയാക്കിയത്.

Also Read: ട്രെയിന്‍ സര്‍വീസുകളുടെ സമയക്രമം പുറത്തുവിട്ട് റെയില്‍വെ: പ്രധാന സ്റ്റോപ്പുകളും വിശദവിവരങ്ങളും

വ്യാഴാഴ്ചയാണ് ഖദീജയ്ക്ക് കൊവിഡ് സ്ഥിരീകരിച്ചത്. ചാവക്കാട് താലൂക്ക് ആശുപത്രിയില്‍ ചികിത്സയിലായിരുന്നു. ബുധനാഴ്ചയാണ് ഖദീജ മരിച്ചത്. മഹാരാഷ്ട്രയില്‍ നിന്നാണ് ഇവര്‍ കേരളത്തിലെത്തിയത്. പിന്നീട് നടന്ന സ്രവ പരിശോധനയിലാണ് കൊവിഡ് സ്ഥിരീകരിച്ചത്. ഖദീജക്കുട്ടിയുടെ മകന്‍ ഉള്‍പ്പെടെ അഞ്ച് പേര്‍ ക്വാറന്റീനിലാണ്. ഈ സാഹചര്യത്തില്‍ ഇവര്‍ക്കൊപ്പം വന്നവരുടെ സ്രവം പരിശോധനയ്ക്കായി അയച്ചിട്ടുണ്ട്.

Also Read: ഹൈദരാബാദിൽ മരണാനന്തര ചടങ്ങുകളില്‍ പങ്കെടുത്ത 5 മലയാളികള്‍ക്ക് കൊവിഡ്

മുംബൈയില്‍ നിന്ന വന്ന ഇവര്‍ക്ക് നേരത്തെ പ്രമേഹവും രക്താതിസമ്മര്‍ദ്ദവും ശ്വാസതടസ്സവും ഉണ്ടായിരുന്നു. ബുധനാഴ്ചയാണ് ഇവരെ ആശുപത്രിയില്‍ പ്രവേശിപ്പിച്ചത്. സ്ഥിതി ഗുരുതരമായതിനാല്‍ ഇവരെ മെഡിക്കല്‍ കോളജിലേക്ക് മാറ്റാനിരിക്കെയാണ് മരണം സംഭവിച്ചത്.

Also Read: COVID-19 Live: ഇന്ത്യയില്‍ കൊവിഡ് ബാധിതര്‍ 1.12 ലക്ഷം; മരണം 3434

കഴിഞ്ഞ തിങ്കളാഴ്ചയാണ് ഖദീജ മുംബൈയിലെ മകളുടെ വീട്ടില്‍ നിന്ന് നാട്ടിലെത്തിയത്. മുംബൈയില്‍ നിന്ന് റോഡ് മാര്‍ഗമായിരുന്നു കേരളത്തില്‍ എത്തിയത്. മരണം സംഭവിച്ചത് ബുധനാഴ്ച ആയിരുന്നെങ്കിലും വ്യാഴാഴ്ചയാണ് സ്രവം കിട്ടിയത്. ഇതോടെ, സംസ്ഥാനത്ത് കൊവിഡ് ബാധിച്ച് മരിച്ചവരുടെ എണ്ണം നാലായി.