ജഗദീഷ് നീചനും സംസ്കാരശൂന്യനുമെന്ന് ഗണേഷ് കുമാർ

കൊല്ലം: പത്തനാപുരത്ത് തെരഞ്ഞെടുപ്പ് പ്രചരണത്തിനിടെ ജഗദീഷ് തനിക്കെതിരെ നീചവും സംസ്കാരശൂന്യവുമായ രീതിയിലാണ് പ്രചരണം നടത്തിയതെന്ന് ഗണേഷ് കുമാർ. അഴിമതിക്കെതിരായ വിജയമാണിത്. അഗ്നിപരീക്ഷകളെ അതിജീവിച്ച് തിരിച്ചുവരാൻ അവസരമൊരുക്കിയത് ജനങ്ങളാണെന്നും ഗണേഷ് പ്രതികരിച്ചു.

കഴിഞ്ഞ മൂന്ന് തവണയും തനിക്കെതിരെ മത്സരിച്ചത് ഇടതുപക്ഷത്തെ ശക്തരായ നേതാക്കന്മാരാണ്. എന്നാൽ അവർ ഒരു ഘട്ടത്തിലും തനിക്കെതിരെ മോശം പരാമർശങ്ങൾ നടത്തിയിരുന്നില്ല. വിജയത്തിൽ സന്തോഷമുണ്ടെങ്കിലും ജഗദീഷിനൊപ്പം മത്സരിക്കേണ്ടി വന്നതിൽ വേദനയുണ്ടെന്നും ഗണേഷ് പറഞ്ഞു.