കൊല്ലം: സ്‍കൂള്‍ വിദ്യാര്‍ഥിയുടെ ആത്മഹത്യയില്‍ ആരോപണം നേരിടുന്ന അധ്യാപകരെ ആഘോഷപൂര്‍വം തിരിച്ചെടുത്ത സ്‍കൂളിനെതിരെ കടുത്ത നടപടിയുമായി വിദ്യാഭ്യാസ വകുപ്പ്. കൊല്ലം ട്രിനിറ്റി ലീസിയം സ്‍കൂള്‍ പ്രിന്‍സിപ്പലിനെ പുറത്താക്കണമെന്ന് ആവശ്യപ്പെട്ട് വിദ്യാഭ്യാസ വകുപ്പ് നോട്ടീസ് നല്‍കിയതായി കൈരളി ന്യൂസ് ഓണ്‍ലൈന്‍ റിപ്പോര്‍ട്ട് ചെയ്‍തു.
കഴിഞ്ഞ വര്‍ഷം ഒക്ടോബറില്‍ പത്താം ക്ലാസ് വിദ്യാര്‍ഥി ഗൗരി നേഹ സ്‍കൂള്‍കെട്ടിടത്തില്‍ നിന്ന് ചാടി ആത്മഹത്യ ചെയ്‍തിരുന്നു. ഈ കേസില്‍ അന്വേഷണം നേരിടുന്ന ക്രെസന്‍റ്, സിന്ധു എന്നീ ആധ്യാപകരെ കഴിഞ്ഞദിവസമാണ് സ്‍കൂള്‍ തിരിച്ചെടുത്തത്. കേക്കും പൂക്കളുമായി ഇവരെ വരവേറ്റ ചടങ്ങിന്‍റെ ചിത്രങ്ങള്‍ സോഷ്യല്‍ മീഡിയയിലൂടെ പ്രചരിച്ചു. ഇത് വിദ്യാഭ്യാസ വകുപ്പിന്‍റെ ശ്രദ്ധയില്‍പ്പെടുകയായിരുന്നു.
ട്രിനിറ്റി സ്കൂളില്‍ ആരോപണവിധേയരായ അധ്യാപികമാരുടെ പുറത്താക്കല്‍ നടപടി പിന്‍വലിച്ചതിനെ ന്യായീകരിച്ച്‌ പ്രിന്‍സിപ്പാള്‍ നല്‍കിയ രണ്ടു മറുപടികളും തൃപ്‍തികരമല്ല. ആരോപണ വിധേയരായ രണ്ട് അധ്യാപികമാരേയും സ്വീകരിക്കുന്നതിന് നേതൃത്വം നല്‍കിയത് പ്രിന്‍സിപ്പലാണെന്ന് സാമൂഹികമാധ്യമങ്ങളിലൂടെ പ്രചരിച്ച ചിത്രങ്ങളില്‍ നിന്ന് വ്യക്തമാണ്. ഇത് അപക്വമായ നടപടിയാണ്. 60 വയസ് കഴിഞ്ഞ പ്രിന്‍സിപ്പലിനെ പുറത്താക്കണം - വിദ്യാഭ്യാസ വകുപ്പ് നോട്ടീസിനെ ഉദ്ധരിച്ച് വിവിധ മാധ്യമങ്ങള്‍ റിപ്പോര്‍ട്ട് ചെയ്‍തു.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
