ഇടുക്കി അണക്കെട്ടിൽ കൂറ്റൻ പാറകൾ അടർന്നുവീണു

ഇടുക്കി: ഇടുക്കി അണക്കെട്ട് സ്ഥിതിചെയ്യുന്ന കുറവന്‍മലയില്‍ നിന്നും വലിയ പാറക്കഷണങ്ങള്‍ അടര്‍ന്നുവീണ് അണക്കെട്ടിന് കേടുപാടുകള്‍ സംഭവിച്ചു. അണക്കെട്ടിനടിയില്‍ ഗാര്‍ഡ് റൂമിനടുത്തേക്കാണ് കൂറ്റന്‍പാറ കഷ്ണം പതിച്ചത്. ഇതേതുടര്‍ന്ന് ഗ്യാലറിയിലേക്കുള്ള ഗോവണിയും സംരക്ഷണഭിത്തികളും തകര്‍ന്നിട്ടുണ്ട്. പാറ പതിച്ച അണക്കെട്ടിന്റെ പ്രധാന ഭാഗത്തും ചെറിയ തരത്തില്‍ കേടുപാടുകള്‍ സംഭവിച്ചിട്ടുണ്ട്.

അവധി ദിവസമായതിനാല്‍ ധാരാളം വിനോദസഞ്ചാരികള്‍ എത്തേണ്ടതായിരുന്നു. ഗാര്‍ഡ് റൂമില്‍ നിന്നും പോലീസുകാരും അണക്കെട്ട് ജീവനക്കാരും പരിശോധനകള്‍ക്ക് എത്തുന്ന സമയവുമായിരുന്നു. എന്നാല്‍ പാറക്കഷ്ണങ്ങള്‍ പതിച്ച സമയം അടിത്തട്ടില്‍ ആരും ഇല്ലാതിരുന്നത് വന്‍ ദുരന്തമാണ് ഒഴിവാക്കിയത്. പാറ പതിച്ചയിടത്തില്‍ ചെറിയ കേടുപാടുകള്‍ സംഭവിച്ചിട്ടുണ്ടെങ്കിലും അത് അണക്കെട്ടിന്റെ ബലത്തെ ബാധിക്കുന്നതല്ല എന്നാണ് പ്രാഥമിക വിലയിരുത്തല്‍.

Giant rock breaks threatens idukki dam.