ഡിഫ്തീരിയ ബാധിച്ച് വിദ്യാര്‍ത്ഥിനി മരിച്ചു

പേരാവൂര്‍: ഡിഫ്തീതീരിയ ബാധിച്ച് കോഴിക്കോട് സ്വകാര്യ ആശുപത്രിയിൽ ചികിത്സയിലായിരുന്ന പേരാവൂര്‍ സ്വദേശിനിയായ വിദ്യാര്‍ത്ഥിനി മരിച്ചു. മണത്തണ വളയങ്ങാട്ട് കുന്നത്ത്കുലോത്ത് ഉദയന്ദറെയും തങ്കമണിയുടെയും മകള്‍ ശ്രീപാര്‍വതി (14)യാണ് മരിച്ചത്.

കഴിഞ്ഞ മാസം 10ന് സ്കൂളിൽ നിന്ന് ബെംഗലുരുവിലേയ്ക്ക് വിനോദയാത്ര പോയി വന്നതിനു ശേഷമായിരുന്ന ശ്രീപാര്‍വതിയിൽ രോഗലക്ഷണങ്ങള്‍ കണ്ടുതുടങ്ങിയത്. കടുത്ത പനിയും ചുമയും പിടിപെട്ടതോടെ ആശുപത്രിയിൽ പ്രവേശിപ്പിക്കുകയായിരുന്നു.

ഗുരുതരാവസ്ഥയിലായതോടെ കോഴിക്കോട് ആശുപത്രിയിലേയ്ക്ക് മാറ്റി. പേരാവൂര്‍ ശാന്തിനികേതൻ ഇംഗ്ലീഷ് സ്കൂള്‍ വിദ്യാര്‍ത്ഥിനിയായിരുന്നു. സംഭവത്തെത്തുടര്‍ന്ന് ആരോഗ്യവകുപ്പ് പ്രദേശത്ത് വിദ്യാര്‍ത്ഥികളടക്കം നാനൂറോളം പേര്‍ക്ക് വാക്സിനേഷൻ നല്‍കുകയും പ്രതിരോധഗുളികകള്‍ നല്‍കുകയും ചെയ്തു.