കരുനാഗപ്പള്ളിയിൽ വൻ കവര്ച്ച! വീട് കുത്തിത്തുറന്ന് 45 പവൻ സ്വര്ണവും പണവും കവര്ന്നു
കരുനാഗപ്പള്ളി പുത്തൻതെരുവ് ജംഗ്ഷനിൽ റഷീദ്കുട്ടിയുടെ വീട്ടിലാണ് മോഷണം. പുലർച്ചെ ഗൃഹനാഥൻ വീട്ടിൽ എത്തിയപ്പോളാണ് 45 പവൻ സ്വര്ണവും 70000 രൂപയും കവര്ന്നതായി അറിയുന്നത്.
Samayam Malayalam 20 Feb 2020, 6:31 pm
കൊല്ലം: കരുനാഗപ്പള്ളിയിൽ വീട് കുത്തിത്തുറന്ന് 45 പവൻ സ്വര്ണവും 70000 രൂപയും കവര്ന്നു. പുത്തൻതെരുവ് ജംഗ്ഷനിൽ റഷീദ്കുട്ടിയുടെ വീട്ടിലാണ് മോഷണം. വീട്ടുകാർ ഇല്ലാത്ത സമയത്താണ് മോഷ്ടാക്കൾ വീട്ടിൽ കയറിയത്.
Also Read: ശിവരാത്രി: ആലുവയിൽ നാളെയും മറ്റന്നാളും ഗതാഗത നിയന്ത്രണം
ഇന്ന് പുലര്ച്ചെ റഷീദ്കുട്ടി വീട്ടിലെത്തിയപ്പോളാണ് മോഷണ വിവരം അറിയുന്നത്. കുടുംബാഗം ആശുപത്രിയിൽ ചികിത്സയിലായതിനാൽ വീട്ടിൽ ആരുമില്ലായിരുന്നു. മുൻവാതിൽ കമ്പിപ്പാരകൊണ്ട് തകര്ത്താണ് മോഷ്ടാക്കൾ വീടിനുള്ളിൽ കടന്നത്. വീട്ടിൽ സൂക്ഷിച്ചിരുന്ന 45 പവൻ സ്വര്ണവും 70000 രൂപയും കവര്ന്നു. മോഷണത്തിന് ഉപയോഗിച്ച കമ്പിപ്പാര വീടിനുള്ളിൽ ഉപേക്ഷിച്ചായിരുന്നു മോഷ്ടാവിൻ്റെ മടക്കം. സംഭവസ്ഥലത്ത് ഡോഗ് സ്ക്വാഡും വിരലടയാള വിദഗ്ധരും എത്തി പരിശോധന നടത്തി. സമീപത്തെ വീട്ടിലും മോഷണശ്രമം നടന്നു.
Also Read: പെരുമ്പാവൂരിലെ സദാചാര ആക്രമണം: പ്രതികൾക്കെതിരെ ലുക്ക് ഔട്ട് നോട്ടീസ്
Also Read: ഇടുക്കിയിലെ മിടുക്കരായ നായ്ക്കൾക്ക് പുതിയ വാഹനം; സഞ്ചാരത്തിന് മഹീന്ദ്ര എസ്യുവി!