സോളാര്‍ കേസ്: സത്യവാങ്മൂലം നൽകാൻ സര്‍ക്കാര്‍ കൂടുതൽ സമയം തേടി

കൊച്ചി: സോളാര്‍ കേസിൽ സത്യവാങ്മൂലം നല്‍കാൻ സംസ്ഥാന സര്‍ക്കാര്‍ കൂടുതൽ സമയം തേടി. എന്നാൽ എന്നാണ് സത്യവാങ്മൂലം സമര്‍പ്പിക്കുന്നത് എന്ന കാര്യത്തിൽ വ്യക്തതയില്ല. കോടതി കേസ് ഫെബ്രുവരിയിലേയ്ക്ക് മാറ്റി. ഉമ്മൻ ചാണ്ടി സമര്‍പ്പിച്ച ഹ‍ര്‍ജിയിലാണ് കോടതി സര്‍ക്കാരിനോട് നിലപാട് വ്യക്തമാക്കാൻ ആവശ്യപ്പെട്ടത്.

സര്‍ക്കാരിന്‍റെ സത്യവാങ്മൂലം ലഭിക്കാനായി മാത്രമായിരുന്നു ഇന്ന് കേസ് പരിഗണനയ്ക്കെടുത്തതെങ്കിലും സര്‍ക്കാര്‍ അഭിഭാഷകൻ കൂടുതൽ സമയം ആവശ്യപ്പെട്ടതോടെ ഫെബ്രുവരി ഏഴിലേയ്ക്ക് കേസ് മാറ്റുകയായിരുന്നു.

ഉമ്മൻ ചാണ്ടിയുടെ വാദങ്ങള്‍ പൂര്‍ണ്ണമായും തള്ളിക്കൊണ്ട് സത്യവാങ്മൂലം സമര്‍പ്പിക്കാനാണ് സര്‍ക്കാരിന്‍റെ നീക്കം. ഇതിനായി സര്‍ക്കാര്‍ നിയമോപദേശം തേടിയിരുന്നു.