സര്‍ക്കാര്‍ ജീവനക്കാര്‍ക്ക് ഓണത്തിന് മുമ്പ് ശമ്പളം; വിതരണം 24 മുതല്‍

തിരുവനന്തപുരം: സര്‍ക്കാര്‍ ജീവനക്കാര്‍ക്ക് ഓണത്തിന് മുമ്പ് ഈ മാസത്തെ ശമ്പളവും ആനുകൂല്യങ്ങളും വിതരണം ചെയ്യും. 24ാം തിയതി മുതല്‍ ശമ്പള വിതരണം ആരംഭിക്കാനാണ് ധന വകുപ്പിന്റെ തീരുമാനം.

Also Read: കൊവിഡ് സ്ഥിരീകരിച്ച രാമക്ഷേത്ര തലവനുമായി അടുത്ത സമ്പര്‍ക്കം; പ്രധാനമന്ത്രി ക്വാറന്റൈനില്‍ പോകാത്തത് എന്തുകൊണ്ട്? ശിവസേന

വിപണിയില്‍ പണമെത്തിക്കാനാണ് ഇത്തരത്തില്‍ നടപടി സ്വീകരിക്കുന്നത്. ഈ മാസം അവസാന വാരത്തിലാണ് ഓണദിവസങ്ങള്‍. അതുകൊണ്ടാണ് ഈ മാസത്തെ ശമ്പളം നേരത്തെ തന്നെ കൊടുക്കാന്‍ തീരുമാനമെടുത്തത്.

Also Read: എട്ട് മിനിറ്റിനുള്ളില്‍ മിസൈലുകള്‍ യുഎഇയില്‍; ചരിത്ര കരാറിൽ ഭീഷണിയുമായി ഇറാൻ

സര്‍വീസില്‍ നിന്നു വിരമിച്ചവര്‍ക്കുള്ള പെന്‍ഷന്‍ വിതരണം 20ാം തീയതി മുതല്‍ ആരംഭിക്കും. ഇതോടുകൂടി കൊവിഡുമായി നിലവില്‍ സംസ്ഥാനത്തെ പൊതുവിപണിയിലുള്ള മാന്ദ്യം അകന്ന് വിപണി കൂടുതല്‍ സജീവമാകും. അതിലൂടെ സര്‍ക്കാരിന്റെ നികുതി വരുമാനവും വര്‍ധിക്കും.

Also Read: ബംഗാള്‍ ഉള്‍ക്കടലില്‍ പുതിയ ന്യൂനമര്‍ദ്ദം; കേരളത്തില്‍ സെപ്തംബര്‍ ആദ്യ ആഴ്ച വരെ കാലവര്‍ഷം ദുര്‍ബലം

സാധാരണ ഓഗസ്റ്റ് മാസത്തെ ശമ്പളം സെപ്തംബര്‍ 1 മുതലാണ് സര്‍ക്കാര്‍ ജീവനക്കാര്‍ക്ക് നല്‍കാറുള്ളത്. ഇപ്രാവശ്യം ഓഗസ്റ്റ് മാസം അവസാനം ഓണം വരുന്നതിനാല്‍ ശമ്പളം നേരത്തെ നല്‍കുന്നതാണ്.

Also Read: സ്വകാര്യതാ ലംഘനവുമായി കേരള സർക്കാർ: മുതിർന്ന ഡോക്ടർമാരുടെ രോഗവിവരങ്ങൾ പുറത്ത്

ശമ്പളം, പെന്‍ഷന്‍, 4000 രൂപ വെച്ച് ബോണസ്, ഉത്സവ ബത്ത, 15,000 രൂപ വീതം ശമ്പള അഡ്വാന്‍സ് തുടങ്ങിയവയ്ക്കാണ് രണ്ടാഴ്ചയ്ക്കുള്ളില്‍ ആറായിരം കോടി വേണ്ടി വരിക. 2,500 കോടി വരെ ട്രഷറി ഓവര്‍ ഡ്രാഫ്റ്റില്‍ പോകാം. അതിനകത്ത് ചെലവ് ഒതുങ്ങുമെന്ന പ്രതീക്ഷയിലാണ് ധനവകുപ്പ്.