ബ്രൂവറി വിവാദത്തില്‍ സര്‍ക്കാര്‍ വീണ്ടും വെട്ടില്‍

തിരുവനന്തപുരം: ബ്രൂവറി വിവാദത്തില്‍ സംസ്ഥാന സര്‍ക്കാരിനെ വെട്ടിലാക്കി പുതിയ റിപ്പോര്‍ട്ടുകള്‍. അപ്പോളോ കമ്പനിക്ക് ബ്രൂവറി തുടങ്ങാന്‍ ഈ വര്‍ഷം അനുമതി കൊടുത്തതാണ് സര്‍ക്കാരിനെ വെട്ടിലാക്കിയത്. അബ്കാരി നയം എതിരെന്ന് ചൂണ്ടിക്കാട്ടി 2016ല്‍ അനുമതി നിഷേധിച്ച കമ്പനിക്കാണ് വീണ്ടും അനുമതി നല്‍കിയത്.

അപ്പോളോ കമ്പനിയുടെ ബ്രൂവറിക്ക് രണ്ട് വര്‍ഷം മുമ്പ് നികുതി വകുപ്പിന്‍റെ അഡീഷണല്‍ ചീഫ് സെക്രട്ടറിയാണ് അനുമതി നിഷേധിച്ചത്. നിലവിലെ ചട്ടപ്രകാരം കമ്പനിക്ക് അനുമതി നല്‍കാനാവില്ലെന്നായിരുന്നു നിലപാട്. അബ്കാരി നയത്തില്‍ യാതൊരു മാറ്റവും വന്നില്ലെന്നിരിക്കെ ഇപ്പോള്‍ അനുമതി നല്‍കിയതാണ് സര്‍ക്കാരിനെ വെട്ടിലാക്കിയത്.