അംഗീകാരമില്ലാത്ത സ്കൂളുകള്‍ തത്കാലം അടച്ചുപൂട്ടില്ലെന്ന് സര്‍ക്കാര്‍

കൊച്ചി: സംസ്ഥാനത്തെ അംഗീകാരമില്ലാത്ത സ്കൂളുകള്‍ അടുത്ത അധ്യയനവര്‍ഷം തത്കാലം അടച്ചുപൂട്ടില്ലെന്ന് സര്‍ക്കാര്‍. വിഷയത്തിൽ പൊതുവിദ്യാഭ്യാസ ഡയറക്ടറുടെ ഉത്തരവ് നടപ്പാക്കില്ലെന്നും സര്‍ക്കാര്‍ ഹൈക്കോടതിയെ അറിയിച്ചു. ന്യൂനപക്ഷ വിദ്യാഭ്യാസ സ്ഥാപനങ്ങള്‍ നല്‍കിയ ഹര്‍ജിയിലാണ് സര്‍ക്കാര്‍ നിലപാടറിയിച്ചത്.

1500 സ്കൂളുകള്‍ അടച്ചുപൂട്ടാൻ നോട്ടീസ് നല്‍കിയതിനെതിരെ ന്യൂനപക്ഷ വിദ്യാഭ്യാസ സ്ഥാപനങ്ങള്‍ കോടതിയെ സമീപിക്കുകയായുന്നു. മൂന്നുവര്‍ഷത്തെ സാവകാശമാണ് സ്ഥാപനങ്ങള്‍ ആവശ്യപ്പെട്ടത്. ഹര്‍ജി പരിഗണിച്ച കോടതി സര്‍ക്കാരിനോട് മൂന്നുമാസത്തിനകം എതിര്‍സത്യവാങ്മൂലം നല്‍കാൻ ആവശ്യപ്പെട്ടു. ഹര്‍ജിയിൽ ഉത്തരവുണ്ടാകുന്നതുവരെ സ്കൂളുകള്‍ അടച്ചുപൂട്ടരുതെന്നും കോടതി അറിയിച്ചു.