സ്വകാര്യ ആശുപത്രി മാനേജ്‍മെന്‍റുകള്‍ക്ക് സര്‍ക്കാരിന്‍റെ അന്ത്യശാസനം

തിരുവനന്തപുരം: നഴ്‌സുമാരുടെ മിനിമം വേതനത്തിൽ സ്വകാര്യ ആശുപത്രി മാനേജ്‍മെന്‍റുകള്‍ക്ക് സർക്കാർ അന്ത്യശാസനം നൽകി. ഇന്ന് സ്വാകര്യ മാനേജ്‍മെന്‍റുകള്‍ മിനിമം വേതനം തീരുമാനിച്ചില്ലെങ്കിൽ വേതനം തീരുമാനിച്ച് വിജ്ഞാപനം ഇറക്കുമെന്ന് സർക്കാർ അറിയിച്ചു.

സമരം ചെയ്യുന്ന നഴ്‍സുമാരുമായും സ്വാകര്യ മാനേജ്‍മെന്‍റുകളുമായും ഇന്നുച്ചക്ക് ശേഷം സർക്കാർ നടത്തിയ ചർച്ചയിലാണ് കർശന നിലപാട് സ്വീകരിച്ചത്. ഇന്ന് ചർച്ചയിൽ തീരുമാനമായില്ലെങ്കിൽ നാളെ മുതൽ സമരം ശക്തമാക്കുമെന്ന് നഴ്‌സസ് അസോസിയേഷൻ അറിയിച്ചു. മുന്നൂറ്റിയമ്പതോളം ആശുപത്രികളിലെ നഴ്‌സുമാർ സമരത്തിന് നോട്ടീസ് നൽകിയിട്ടുണ്ട്. സമരം കണക്കിലെടുത്ത് കോഴിക്കോടുള്ള സ്വകാര്യ ആശുപത്രികൾ രോഗികളെ പ്രവേശിപ്പിക്കുന്നത് നിയന്ത്രണത്തിലാക്കി.

Government takes tough stand against Managements