ഹനാന്‍റെ ചികിത്സാ ചെലവ് സർക്കാർ വഹിക്കും

തിരുവനന്തപുരം: എറണാകുളം മെഡിക്കൽ ട്രസ്റ്റ് ആശുപത്രിയിൽ ചികിത്സയിൽ കഴിയുന്ന ഹനാന്റെ ചികിത്സ ചെലവ് സർക്കാർ വഹിക്കും. അപകടത്തിൽപ്പെട്ടാണ് ഹനാനെ ആശുപത്രിയിൽ പ്രവേശിപ്പിച്ചത്. മെഡിക്കൽ ട്രസ്റ്റ് ആശുപത്രിയുടെ സഹകരണത്തോടെയായിരിക്കും ഹനാന്റെ ചികിത്സാച്ചെലവ് സർക്കാർ ഏറ്റെടുക്കുന്നത്.

അപകട വിവരം അറിഞ്ഞയുടൻ മെഡിക്കൽ ട്രസ്റ്റ് ആശുപത്രി അധികൃതരുമായി സംസാരിച്ചെന്ന് ആരോഗ്യമന്ത്രി കെ.കെ.ശൈലജ പറഞ്ഞു. ഹനാന്റെ ചികിത്സയെ പറ്റി അധികൃതരുമായി സംസാരിച്ചിട്ടുണ്ട്. ചികിത്സാചെലവ് ആശുപത്രിയുടെ സഹകരണത്തിൽ നടത്താൻ തീരുമാനിച്ചെന്നും ആരോഗ്യമന്ത്രി വ്യക്തമാക്കി.

ഹനാൻ സഞ്ചരിച്ച വാഹനം കൊടുങ്ങല്ലൂരിൽ വെച്ച് വൈദ്യുതി തൂണിൽ ഇടിച്ചാണ് അപകടമുണ്ടായത്. കോളജ് പഠനത്തിനിടെ മീൻ വിൽക്കുന്ന ഹനാൻ ചുരുങ്ങിയ ദിവസങ്ങൾക്കിടെയാണ് പ്രശസ്തിയാർജ്ജിച്ചത്.ഹനാനെ അനുകൂലിച്ചും പ്രതികൂലിച്ചും നടന്ന ചർച്ചകൾ സാമൂഹ്യ മാധ്യമങ്ങളിൽ ഏറെ ജനശ്രദ്ധയാകർഷിച്ചിരുന്നു. കാറിന്റെ മുൻ സീറ്റിലിരുന്ന ഹനാന്റെ കാലിനും നട്ടെല്ലിനും പരിക്കേറ്റതായാണ് സൂചന.