സംസ്ഥാനത്തെ ബിവറേജസ് ഔട്ട്‌ലെറ്റുകള്‍ പൂട്ടില്ല: മന്ത്രി ജി.സുധാകരന്‍

തിരുവനന്തപുരം: സംസ്ഥാനത്തെ ബിവറേജസ് ഔട്ട്‌ലെറ്റുകൾ പൂട്ടില്ലെന്ന് എക്‌സൈസ് മന്ത്രി ജി. സുധാകരന്‍. സംസ്ഥാന ബിവറേജസ് കോർപ്പറേഷനില്‍ നിന്നാണ് സാമൂഹിക ക്ഷേമപദ്ധതികള്‍ക്ക് പണം ലഭിക്കുന്നതെന്നും അതിനാൽ ഔട്ട്ലെറ്റുകൾ പൂട്ടുന്നതിനെ പറ്റി ആലോചിക്കുന്നില്ലെന്നും മന്ത്രി പറഞ്ഞു.

ബീവറേജസ് ചില്ലറ വില്പനശാലകള്‍ക്കെതിരെ പ്രവര്‍ത്തിക്കുന്നവര്‍ മാഫിയാ സംഘങ്ങളാണ്. എല്‍.ഡി.എഫ്.സര്‍ക്കാര്‍ മാത്രമല്ല, മാറി മാറി വരുന്ന സർക്കാരുകൾ വിവിധയിടങ്ങളില്‍ ഔട്ട്‌ലെറ്റുകള്‍ സ്ഥാപിച്ചിട്ടുണ്ടെന്നും അദ്ദേഹം ചൂണ്ടിക്കാട്ടി.

ജനവാസ കേന്ദ്രങ്ങളല്ലാത്ത നിരവധി സ്ഥലങ്ങളില്‍ ബിവറേജസുകള്‍ മാറ്റി സ്ഥാപിക്കാന്‍ തദ്ദേശ സ്വയംഭരണ സ്ഥാപനങ്ങള്‍ സഹകരണം ആവശ്യമാണ്. അവിടെ പോലും അനുവദിക്കില്ല എന്ന നിലപാട് അംഗീകരിക്കാന്‍ കഴിയില്ലെന്ന് മന്ത്രി കൂട്ടിച്ചേർത്തു.

Govt will not close down beverage outlets says Minister

Excise minister G Sudhakaran said government will not close down any beverage outlets.