സ്ത്രീ വിഷയം സഭ ചർച്ച ചെയ്യാത്തത് ദൗർഭാഗ്യകരം: ചെന്നിത്തല

തിരുവനന്തപുരം: സ്ത്രീ വിഷയം ചർച്ച ചെയ്യാൻ സർക്കാർ തയ്യാറാകാഞ്ഞതിൽ ശക്തമായി പ്രതിഷേധിച്ച് പ്രതിപക്ഷം. പ്രതിഷേധം അറിയിച്ചു കൊണ്ട് പ്രതിപക്ഷം രാവിലെ സഭ ബഹിഷ്‌കരിച്ചിരുന്നു. നടിയെ ആക്രമിച്ച കേസിൽ ഗൂഢാലോചനയില്ല എന്ന പരാമർശം ഒരു മുഖ്യമന്ത്രിക്ക് ചേർന്നതല്ലെന്ന് പ്രതിപക്ഷ നേതാവ് രമേശ് ചെന്നിത്തല പറഞ്ഞു.

ആഭ്യന്തര വകുപ്പ് കൂടി കൈകാര്യം ചെയ്യുന്ന മുഖ്യമന്ത്രി ഇത്തരത്തിൽ കേസിൽ ഇടപെടാൻ പാടില്ലായിരുന്നു. മുഖ്യമന്ത്രിയുടെ ഇടപെടൽ കേസിന് മറ്റൊരു മാനം നൽകി. തൊണ്ടി സാധനങ്ങൾ മുഴുവൻ ഇത് വരെ കണ്ടെത്താൻ സാധിച്ചിട്ടില്ല.

കേരളത്തിലെ സ്ത്രീ സുരക്ഷയും ക്രമസമാധാനവും തകര്‍ന്നതായി പ്രഖ്യാപിച്ച് ബഹളം വെച്ച് രാവിലെ പ്രതിപക്ഷം നിയമസഭ ബഹിഷ്‍കരിച്ചിരുന്നു. ചോദ്യോത്തരവേള റദ്ദാക്കി കേരളത്തിലെ സ്ത്രീ സുരക്ഷയുമായി ബന്ധപ്പട്ട പ്രശ്‍നങ്ങള്‍ ചര്‍ച്ച ചെയ്യണമെന്ന് പ്രതിപക്ഷം ആവശ്യപ്പെട്ടെങ്കിലും സ്‍പീക്കര്‍ ശ്രീരാമക‍ൃഷ്‍ണന്‍ വഴങ്ങിയില്ല.

Govt's refusal on discussing women security is disheartening: Chennithala