ദുരിതാശ്വാസനിധിയിലേക്ക് ഗുരുവായൂര്‍ ദേവസ്വം അഞ്ച് കോടി നല്‍കും

ഗുരുവായൂര്‍: പ്രളയക്കെടുതിയില്‍ കഴിയുന്ന കേരളത്തിന് ആശ്വാസമായി മുഖ്യമന്ത്രിയുടെ ദുരിതാശ്വാസ നിധിയിലേയ്ക്ക് ഗുരുവായൂര്‍ ദേവസ്വം 5 കോടി രൂപ നല്‍കും. ബുധനാഴ്ച തിരുവനന്തപുരത്ത് വച്ച് മുഖ്യമന്ത്രി പിണറായി വിജയന് ദേവസ്വം ചെയര്‍മാന്‍ കെ ബി മോഹന്‍ദാസ് തുക കൈമാറും.

ജീവനക്കാരുടെ വിഹിതമായി 22 ലക്ഷം കൂടാതെ ദേവസ്വം ഭരണസമിതി അംഗങ്ങളും ദുരിതാശ്വാസനിധിയിലേക്ക് തങ്ങളുടെ പങ്ക് നല്‍കും. കൊല്ലൂര്‍ മൂകാംബിക ക്ഷേത്രവും മുഖ്യമന്ത്രിയുടെ ദുരിതാശ്വാസ നിധിയിലേക്ക് 1 കോടി സംഭാവന ചെയ്തിരുന്നു.

കേരളത്തിന് സമാനമായ രീതിയില്‍ മണ്ണിടിച്ചില്‍ ദുരന്തം നേരിട്ടുകൊണ്ടിരിക്കുന്ന കര്‍ണ്ണാടകത്തിലെ കുടകിലും ക്ഷേത്ര ട്രസ്റ്റ് 25 ലക്ഷം രൂപ സംഭാവനയായി നല്‍കിയിരുന്നു