തിരുവനന്തപുരം: വിജിലൻസ് മുൻ ഡയറക്ടർ ജേക്കബ് തോമസിനെതിരെ അന്വേഷണം നടത്തി നടപടി സ്വീകരിക്കണമെന്ന് കെ പി സി സി അധ്യക്ഷൻ എം എം ഹസൻ. ജിഷ വധക്കേസിൽ പ്രതികളെ സംരക്ഷിക്കുന്ന നിലപാട് സ്വീകരിച്ചാണ് ജേക്കബ് തോമസ് റിപ്പോർട്ട് തയ്യാറാക്കിയത്.
കേസ് അന്വേഷിക്കുന്ന പ്രത്യേകസംഘത്തിൻ്റെ അറിവില്ലാതെയാണ് അധികാരപരിധിയിൽ വരാത്ത സംഭവം ജേക്കബ് തോമസ് അന്വേഷിച്ചത്. ഇത്തരമൊരു അന്വേഷണം എന്ത് അധികാരം ഉപയോഗിച്ച് നടത്തിയതാണെന്നും സാഹചര്യം എന്താണെന്നും മുഖ്യമന്ത്രി വ്യക്തമാക്കണമെന്നും
ഹസൻ ആവശ്യപ്പെട്ടു.
കെ പി സി സി രാഷ്ട്രീകാര്യസമിതി തീരുമാനങ്ങൾ വിശദീകരിക്കുകയായിരുന്നു അദ്ദേഹം. പ്രതികളെ സംരക്ഷിക്കുന്ന റിപ്പോർട്ട് തള്ളാതെ അത് വാങ്ങിവെച്ച മുഖ്യമന്ത്രി കുറ്റകരമായ നിലപാടാണ് സ്വീകരിച്ചതെന്നും ഹസൻ പറഞ്ഞു. നിരന്തരം കോടതികൾ വിമർശനം ഉന്നയിച്ചതിനെ തുടർന്നാണ് ജേക്കബ് തോമസിനെതിരെ നടപടിയെടുത്തത്.
Hassan asks action against Jacob Thomas
KPCC President MM Hassan asks to take action against Jacob Thomas