സംസ്ഥാനത്ത് എച്ച്‌ 1 എന്‍ 1 പടരുന്നു; ജാഗ്രത നി‍ർദേശം

തിരുവനന്തപുരം: സംസ്ഥാനത്ത് ചിലയിടങ്ങളില്‍ എച്ച്‌ 1 എന്‍ 1 പനി പടരുന്നു. ചില സ്ഥലങ്ങലിൽ എച്ച്‌ 1 എന്‍ 1 പനിബാധ റിപ്പോര്‍ട്ട് ചെയ്ത സാഹചര്യത്തില്‍ പൊതുജനങ്ങള്‍ ജാഗ്രത പാലിക്കണമെന്ന് ആരോഗ്യവകുപ്പ് ഡയറക്ടര്‍ ഡോ. ആര്‍.എല്‍. സരിത അറിയിച്ചു.

പനി, ജലദോഷം, ചുമ, ശരീരവേദന, തൊണ്ടവേദന, വിറയല്‍, ക്ഷീണം, ശ്വാസംമുട്ടല്‍ തുടങ്ങിയവയാണ് എച്ച്‌1 എന്‍1 ലക്ഷണങ്ങൾ. പ്രമേഹം, ഹൃദ്രോഗം, ഉയര്‍ന്ന രക്തസമ്മര്‍ദം തുടങ്ങിയ ആരോഗ്യ പ്രശ്‌നങ്ങള്‍ ഉള്ളവർ കൂടുതൽ ശ്രദ്ധിക്കണം. വായു വഴി പകരുന്ന രോഗം ആയതിനാല്‍ കൂടുതൽ ശ്രദ്ധയും കൃത്യ സമയത്ത് ഡോക്ടറുടെ സേവനവും ഉപയോഗപ്പെടുത്തണം