വൈറൽ പനിയെ തുടർന്ന് ആരോഗ്യമന്ത്രി ആശുപത്രിയിൽ

തിരുവനന്തപുരം: പനിയെയും ദേഹാസ്വാസ്ഥ്യത്തെയും തുടർന്ന് ആരോഗ്യമന്ത്രി കെ.കെ ശൈലജയെ ആശുപത്രിയിൽ പ്രവേശിപ്പിച്ചു. മന്ത്രിക്ക് വൈറൽ പനിയാണ് ബാധിച്ചത്. തിരുവനന്തപുരം മെഡിക്കൽ കോളജിലാണ് മന്ത്രിയെ ചികിത്സക്കായി പ്രവേശിപ്പിച്ചത്.

മന്ത്രിയുടെ നില തൃപ്തികരമാണെന്ന് ആശുപത്രി സൂപ്രണ്ട് ഡോ എം എസ് ഷര്‍മ്മദ് അറിയിച്ചു. ഇന്നലെ രാത്രിയാണ് മന്ത്രിയെ പനി കൊടുത്തതിനെ തുടർന്ന് ആശുപത്രിയിൽ പ്രവേശിപ്പിച്ചത്. തുടർന്ന് ആരോഗ്യ ബോർഡ് കൂടി മന്ത്രിയുടെ ആരോഗ്യസ്ഥിതി വിലയിരുത്തി.