ലാവ്‍ലിൻ കേസ് മാറ്റിവെച്ചു; അന്തിമവാദം ഫെബ്രുവരിയിൽ

കൊച്ചി: മുഖ്യമന്ത്രി പിണറായി വിജയൻ ഉൾപ്പെട്ട ലാവ്‍ലിൻ കേസിൽ സിബിഐ സമര്‍പ്പിച്ച പുനഃപരിശോധന ഹര്‍ജി പരിഗണിക്കുന്നത് ഹൈക്കോടതി മാറ്റിവെച്ചു. ഫെബ്രുവരി രണ്ടാം വാരമായിരിക്കും ഹർജിയിൽ അന്തിമ വാദം.

ഹൈദരാബാദില്‍ മറ്റൊരു കേസുള്ളതിനാൽ സിബിഐ അഡീഷണല്‍ സോളിസിറ്റര്‍ ജനറല്‍ ഇന്ന് ഹാജരാകാൻ കഴിയില്ലെന്ന് കോടതിയെ അറിയിച്ചിരുന്നു. കെ.എം.നടരാജനാണ് അഡീഷണല്‍ സോളിറ്റര്‍ ജനറല്‍.

ഈ ആഴ്ച തുടര്‍ച്ചയായി വാദം കേള്‍ക്കാനായിരുന്നു കോടതി നേരത്തെ തീരുമാനിച്ചിരുന്നത്. എന്നാൽ പിണറായി വിജയന്റെ അഭിഭാഷകന്‍ എംകെ ദാമോദരന് എത്താനാകില്ലെന്ന് അറിയിച്ചതിനെ തുടര്‍ന്ന് ഇന്നലെ വാദം തുടങ്ങാനായിരുന്നില്ല.

പിണറായി വിജയൻ ഉൾപ്പടെയുള്ളവരെ വെറുതെ വിട്ടതിന് ചോദ്യം ചെയ്താണ് സിബിഎെ ഹർജി സമർപ്പിച്ചിരിക്കുന്നത്.

പന്നിയാര്‍, ചെങ്കുളം, പള്ളിവാസല്‍ എന്നീ ജലവൈദ്യുത പദ്ധതികളുടെ നവീകരണത്തിന് കാനഡയിലെ എസ്.എന്‍.സി. ലാവ്‍ലിന്‍ കമ്പനിയുമായി ഉണ്ടാക്കിയ 374.5 കോടിയുടെ കരാര്‍ വൈദ്യുതി ബോര്‍ഡിനും സര്‍ക്കാരിനും കോടികളുടെ നഷ്ടമുണ്ടാക്കിയെന്നാണ് കേസ്.

Hearing of Lavalin case postponed to next month

Hearing of the corruption case involving Kerala Chief Minister Pinarayi Vijayan and Canadian engineering firm SNC Lavalin postponed to February.