ഉഷ്ണതരംഗത്തിന് സാധ്യതയെന്ന് മുന്നറിയിപ്പ്‌

പത്തനംതിട്ട: ഈ വര്‍ഷം ഉഷ്ണതരംഗമുണ്ടാകാന്‍ സാധ്യതയുണ്ടെന്ന് മുന്നറിയിപ്പ്. അതേസമയം, ദക്ഷിണേന്ത്യന്‍, വടക്കുകിഴക്കന്‍ സംസ്ഥാനങ്ങളില്‍ ഇതു കാര്യമായി അനുഭവപ്പെടില്ലെന്ന് കൊച്ചി ശാസ്ത്ര സാങ്കേതിക സര്‍വകലാശാല റഡാര്‍ വിഭാഗം ശാസ്ത്രജ്ഞന്‍ ഡോ. എം.ജി. മനോജ് പറഞ്ഞു. രാജ്യത്തിന്റെ തെക്ക്, മധ്യ ഭാഗങ്ങളില്‍ കടുത്ത ചൂടുണ്ട്. അവിടെ ഉഷ്ണതരംഗത്തിന് ഉയര്‍ന്ന സാധ്യതയുമുണ്ടെന്ന് അദ്ദേഹം കൂട്ടിച്ചേര്‍ത്തു.

40 ഡിഗ്രിയോ അതില്‍ക്കൂടുതലോ ചൂട് തുടര്‍ച്ചയായി രണ്ടുദിവസം അനുഭവപ്പെടുന്നതാണ് ഉഷ്ണതരംഗം. മനുഷ്യനും മറ്റുജീവികള്‍ക്കും കൃഷിക്കും അപകടമുണ്ടായേക്കാവുന്ന സാഹചര്യമാണിത്. കടുത്ത ചൂടേറ്റ് മോഹാലസ്യവും ചിലപ്പോള്‍ ജീവഹാനിക്കുതന്നെ കാരണമാവുന്ന തളര്‍ച്ചയും ഉണ്ടായേക്കാം. 11 മുതല്‍ മൂന്നുമണിവരെ വെയില്‍ കൊള്ളാതിരിക്കുക. നിര്‍ജലീകരണത്തിനുള്ള സാധ്യതകള്‍ ഒഴിവാക്കുക