ഏലൂരില്‍ പാവ നിര്‍മ്മാണ ഫാക്ടറിയില്‍ വൻ അഗ്നിബാധ

കൊച്ചി: ഏലൂരില് എടയാറിലെ പാവ നിര്മ്മാണ ഫാക്ടറിയില് തീപിടിത്തം. ബോഡി ഗിയര് എന്ന സ്ഥാപനത്തിനാണ് തീപിടിച്ചത്. പാവ നിര്മ്മാണത്തിന് ഉപയോഗിക്കുന്ന നൈലോണ് അസംസ്കൃത വസ്തുക്കള് കത്തിനശിച്ചു.

തീപിടിത്തത്തിന്റെ കാരണം വ്യക്തമല്ല. ആളപായമില്ല. തീ അണയ്ക്കാനുള്ള ശ്രമം തുടരുന്നു. ലക്ഷങ്ങളുടെ നഷ്ടമാണ് കണക്കാക്കുന്നത്. തീ നിയന്ത്രണ വിധേയമായിട്ടില്ല. സമീപത്ത് നിരവധി ഗോഡൗണുകൾ ഉണ്ട് എന്നതിനാൽ തന്നെ ജനങ്ങൾ ഭയചകിതരാണ്.