ചാലക്കുടിയിൽ ചുഴലിക്കാറ്റും കനത്ത മഴയും: വ്യാപക നാശനഷ്ടം

ചാലക്കുടി: പ്രളയക്കെടുതിയിൽ നിന്ന് കര കയറുന്ന ചാലക്കുടി നഗരത്തെയും പരിസരപ്രദേശങ്ങളെയും വീണ്ടും ആശങ്കപ്പെടുത്തി കനത്ത മഴയും ചുഴലിക്കാറ്റും. ചാലക്കുടി പോലീസ്, സ്റ്റേഷൻ, സുരഭി സിനിമ തീയേറ്റര്‍ തുടങ്ങിയ കെട്ടിടങ്ങളുടെ ഷീറ്റ് മേൽക്കൂരകള്‍ കാറ്റിൽ പറന്നു പോയെന്നാണ് റിപ്പോര്‍ട്ടുകള്‍.

തൃശൂര്‍ ജില്ലയിൽ പലയിടത്തും കനത്ത മാറ്റിൽ മരങ്ങള്‍ കട പുഴകി. തൃശൂര്‍ നഗരത്തിൽ ഉള്‍പ്പെടെ ഇന്നലെ കനത്ത മഴയാണ് പെയ്‍‍തത്. കാറ്റിൽ നിരവധി വീടുകള്‍ തകരുകയും വാഹനങ്ങള്‍ക്ക് കേടുപാടുകള്‍ ഉണ്ടാകുകയും ചെയ്തു.

പ്രളയത്തെ അനുസ്മരിപ്പിക്കുന്ന വിധത്തിൽ നഗരത്തിൽ പലയിടത്തും വെള്ളം കയറിയത് ആശങ്കയ്ക്കിടയാക്കി. രൂക്ഷമായ വെള്ളക്കെട്ടിൽ വ്യാപാരസ്ഥാപനങ്ങള്‍ക്കുള്ളിലും വെള്ളം കയറി. സുരഭി തീയേറ്ററിന്‍റെ ഷീറ്റുകള്‍ പറന്നു മാറിയതോടെ സിനിമ കാണാനെത്തിയവര്‍ ഓടി രക്ഷപെട്ടു. ആളപായമുണ്ടായിട്ടില്ലെന്ന് പോലീസ് പറഞ്ഞു.