ഞായറാഴ്ച വരെ ഒറ്റപ്പെട്ട ശക്തമായ മഴയ്ക്ക് സാധ്യത; വിവിധ ജില്ലകളിൽ യെല്ലോ അലേർട്ട്

തിരുവനന്തപുരം: സംസ്ഥാനത്ത് ഞായറാഴ്ചവരെ ഒറ്റപ്പെട്ട കനത്ത മഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പ്. വിവിധ ജില്ലകളിൽ യെല്ലോ അലേർട്ട് പ്രഖ്യാപിച്ചിട്ടുമുണ്ട്. ഇന്നും ശനിയാഴ്ചയും ഇടുക്കിയിലും വെള്ളിയാഴ്ച മലപ്പുറം, ഞായറാഴ്ച എറണാകുളം എന്നിവിടങ്ങളിലുമാണ് യെല്ലോ അലേർട്ട് പ്രഖ്യാപിച്ചിരിക്കുന്നത്

ഞായറാഴ്ച വരെ തെക്കുപടിഞ്ഞാറ് അറബിക്കടലിൽ മണിക്കൂറിൽ 45-55 കിലോമീറ്റർ വേഗത്തിൽ ശക്തമായ കാറ്റിന് സാധ്യതയുണ്ട്. വ്യാഴാഴ്ച കേരളതീരത്തും ലക്ഷദ്വീപ് മേഖലയിലും അതിനോട് ചേർന്നുള്ള തെക്ക്-കിഴക്ക് അറബിക്കടലിലും കന്യാകുമാരി, മാന്നാർ ഉൾക്കടൽ എന്നിവിടങ്ങളിൽ 40-50 കിലോമീറ്റർ വേഗത്തിൽ കാറ്റുവീശാൻ സാധ്യതയുള്ളതിനാൽ മേഖലകളിൽ മത്സ്യബന്ധനത്തിന് പോകരുതെന്നും നിർദേശമുണ്ട്.

Also Read: പ്രധാനമന്ത്രി നരേന്ദ്ര മോദിയുടെ ട്വിറ്റർ അക്കൗണ്ട് ഹാക്ക് ചെയ്തു; ക്രിപ്റ്റോ കറൻസി ആവശ്യപ്പെട്ട് ട്വീറ്റ്

ഇന്ന് കേരളത്തിൽ ഒറ്റപ്പെട്ടയിടങ്ങളിൽ ഇടിമിന്നലോട് കൂടിയ മഴക്ക് സാധ്യതയുണ്ടെന്നും കാലാവസ്ഥാ വകുപ്പ് മുന്നറിയിപ്പ് നൽകിയിട്ടുണ്ട്. ഉച്ചക്ക് 2 മണി മുതൽ രാത്രി 10 മണിവരെയുള്ള സമയത്ത് ഇടിമിന്നലിനുള്ള സാധ്യത കൂടുതലാണ്. ചില സമയങ്ങളിൽ രാത്രി വൈകിയും ഇത് തുടർന്നേക്കാമെന്നും മലയോര മേഖലയിൽ ഇടിമിന്നൽ സജീവമാകാനാണ് സാധ്യതയെന്നുമാണ് മുന്നറിയിപ്പ്.

Also Read: 'മോദിയുണ്ടാക്കിയ ദുരന്തങ്ങൾ' 6 എണ്ണം: കേന്ദ്രസർക്കാരിനെതിരെ ആക്രമണം ഏറ്റെടുത്ത് രാഹുൽ ഗാന്ധി

ഇടിമിന്നശ സാധ്യതയുള്ള പശ്ചാത്തലത്തിൽ അതീവ ജാഗ്രത പുലർത്തണമെന്ന് സംസ്ഥാന ദുരന്ത നിവാരണ അതോറിറ്റിയും മുന്നറിയിപ്പ് നൽകി. ഉച്ചക്ക് 2 മണി മുതൽ രാത്രി 10 മണി വരെ അന്തരീക്ഷം മേഘാവൃതമാണെങ്കിൽ, തുറസായ സ്ഥലത്തും, ടെറസ്സിലും കളിക്കുന്നത് ഒഴിവാക്കണമെന്നും മറ്റു സുരക്ഷാ മുൻ കരുതലുകൾ പാലിക്കണമെന്നുമാണ് നിർദേശം.