Kochi Airport Shut Down: റൺവേയിൽ വെള്ളം; നെടുമ്പാശേരി വിമാനത്താവളം അടച്ചു

കൊച്ചി: കനത്ത മഴയിൽ റൺവേയിൽ വെള്ളം കയറിയതിനെ തുടര്‍ന്ന് നെടുമ്പാശേരി വിമാനത്താവളം അടച്ചു. ഞായറാഴ്ച വെകിട്ട് മൂന്നുമണിവരെയാണ് വിമാനത്താവളത്തിൻ്റെ പ്രവർത്തനങ്ങൾ നിർത്തിവച്ചിരിക്കുന്നത്. വിവിധ കമ്പനികളുടെ ഏഴ് വിമാനങ്ങള്‍ നെടുമ്പാശേരിയിൽ കുടുങ്ങി.

Read More: പുത്തുമലയിൽ നിന്ന് നാലു മൃതദേഹങ്ങൾ കണ്ടെടുത്തു: മരണനിരക്ക് 22 ആയി

ഇന്നലെ വൈകുന്നേരം ഒൻപതു മണിയോടെ വിമാനത്താവളത്തിൻ്റെ പ്രവര്‍ത്തനം നിര്‍ത്തിവച്ചിരുന്നു. പ്രവര്‍ത്തനം പുനസ്ഥാപിക്കാൻ ശ്രമിച്ചെങ്കിലും റൺവേയിൽ വെള്ളം കയറിയതോടെ ഇന്ന് രാവിലെ അടച്ചിടാൻ തീരുമാനിക്കുകയായിരുന്നു. വിമാനത്താവളത്തിൻ്റെ ചരക്കു കയറ്റുന്ന ഭാഗം, ഫയര്‍ സ്റ്റേഷൻ, ടാക്സി വേ തുടങ്ങിയ ഇടങ്ങളിലെല്ലാം വെള്ളം കയറി. അതേസമയം ടെര്‍മിനൽ കെട്ടിടത്തിൽ വെള്ളം കയറിയിട്ടില്ല. മോട്ടോര്‍ ഉപയോഗിച്ച് വെള്ളം പുറത്തേക്ക് കളയാനുള്ള ശ്രമങ്ങള്‍ പുരോഗമിക്കുകയാണ്.

Read More: വലിയ ഡാമുകള്‍ തുറക്കേണ്ട സാഹചര്യമില്ല: മന്ത്രി എം എം മണി