തിരുവനന്തപുരം: ഓഗസ്റ്റ് 27, 28 തീയതികളിൽ കേരളത്തിൽ ഒറ്റപ്പെട്ട സ്ഥലങ്ങളിൽ കനത്ത മഴയ്ക്ക് സാധ്യതയുണ്ടെന്ന് കാലാവസ്ഥാ മുന്നറിയിപ്പ്. ബംഗാള്‍ ഉള്‍ക്കടലില്‍ പശ്ചിമ ബംഗാള്‍ തീരത്തിനടുത്ത് 48 മണിക്കൂറിനകം ന്യൂനമര്‍ദ്ദം രൂപപ്പെടാനുള്ള സാധ്യത കണക്കിലെടുത്താണ് മുന്നറിയിപ്പ്.
Samayam Malayalam
27 തിങ്കളാഴ്ച കോട്ടയം, ഇടുക്കി, എറണാകുളം, തൃശ്ശൂര്‍ ജില്ലകളിലും 28 ചൊവ്വാഴ്ച മലപ്പുറം, കോഴിക്കോട്, വയനാട്, കണ്ണൂര്‍ ജില്ലകളിലുമാണ് മഴയ്ക്ക് സാധ്യത.
24 മണിക്കൂറിനുള്ളിൽ ഏഴുമുതല്‍ 11 സെന്‍റിമീറ്റര്‍ വരെ മഴ പെയ്യാനാണ് സാധ്യത. എന്നാൽ മുൻപ് പെയ്തതു പോലെ അതിശക്തമായ മഴയ്ക്ക് സാധ്യതയില്ല. 12 മുതല്‍ 20 സെന്‍റിമീറ്റര്‍ വരെയാണ് അതിശക്തമായ മഴയായി കണക്കാക്കുന്നത്. പ്രളയസമയത്ത് ചില കേന്ദ്രങ്ങളി. 20 സെന്‍റിമീറ്ററിലും കൂടുതല്‍ മഴ പെയ്തിരുന്നു.
ജനങ്ങള്‍ പരിഭ്രാന്തരാകേണ്ടതില്ലെന്നും ജാഗ്രത പാലിക്കണമെന്നും സംസ്ഥാന ദുരന്ത നിവാരണ അതോരിറ്റി അറിയിച്ചു. ഉരുള്‍പൊട്ടൽ സാധ്യതയുള്ളതിനാല്‍ രാത്രികാലങ്ങളിൽ മലയോരപ്രദേശങ്ങളിലേയ്ക്കുള്ള യാത്ര ഒഴിവാക്കണം. പുഴകളിലും ജലാശയങ്ങളിലും ജലനിരപ്പ് ഉയരാൻ സാധ്യതയുണ്ട്. അധികൃതര്‍ ആവശ്യപ്പെട്ടാല്‍ വീടൊഴിഞ്ഞ് പോകണമെന്നും നിര്‍ദേശമുണ്ട്.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
