സംസ്ഥാനത്ത്‌ 28 വരെ കനത്തമഴയ്ക്കു സാധ്യതയെന്ന് റിപ്പോര്‍ട്ട്

തിരുവനന്തപുരം: സംസ്ഥാനത്ത് സെപ്റ്റംബര്‍ 28 വരെ കനത്തമഴയ്ക്കു സാധ്യതയെന്ന് റിപ്പോര്‍ട്ട്. സംസ്ഥാനത്ത് 25 ശതമാനം സ്ഥലങ്ങളിൽ ഇടിമിന്നലോടു കൂടിയ കനത്തമഴ ഉണ്ടായേക്കാമെന്നാണ് പ്രവചനം. തുടര്‍ന്ന് ഇടുക്കിയിലും പാലക്കാട്ടും വയനാട്ടിലും വ്യാഴാഴ്ച വരെ കാലാവസ്ഥാ വകുപ്പ് യെല്ലോ അലേര്‍ട്ട് പ്രഖ്യാപിച്ചിരുന്നു.

പത്തനംതിട്ടയിൽ ബുധൻ, വ്യാഴം ദിവസങ്ങളിലും യെല്ലോ അലർട്ട് പ്രഖ്യാപിച്ചിട്ടുണ്ട്. കഴിഞ്ഞ ദിവസം തിരുവനന്തപുരത്തും വയനാട് മാനന്തവാടിയിലും കനത്ത മഴ രേഖപ്പെടുത്തിയിരുന്നു. തിരുവനന്തപുരത്തും തിങ്കളാഴ്ച യെല്ലോ അലർട്ടുണ്ടായിരുന്നു.