കനത്ത മഴയും ശക്തമായ കാറ്റും തുടരും; ലക്ഷദ്വീപിലും 'ഓഖി'യെത്തി

തി​രു​വ​ന​ന്ത​പു​രം: സം​സ്ഥാ​ന​ത്ത് ക​ന​ത്ത മ​ഴ​യും ശ​ക്ത​മാ​യ കാ​റ്റും തു​ട​രു​മെ​ന്ന് കാ​ലാ​വ​സ്ഥാ നി​രീ​ക്ഷ​ണ കേ​ന്ദ്രം അറിയിച്ചു. അ​ടു​ത്ത 24 മ​ണി​ക്കൂ​ർ ക​ട​ൽ പ്ര​ക്ഷു​ബ്ദ്ധ​മാ​കുമെന്നാണ് കണക്കാക്കുന്നത്. മ​ഴ മാ​റി​നി​ന്നാ​ലും മ​ത്സ്യ​ത്തൊ​ഴി​ലാ​ളി​ക​ൾ 48 മ​ണി​ക്കൂ​ർ നേ​ര​ത്തേ​ക്ക് ക​ട​ലി​ലേ​ക്ക് പോ​ക​രു​തെ​ന്നും മു​ന്ന​റി​യി​പ്പു​ണ്ട്.

അ​തേ​സ​മ​യം, കൊ​ച്ചി ചെ​ല്ലാ​നം ക​ട​പ്പു​റ​ത്ത് അ​ർ​ധ​രാ​ത്രിയുണ്ടായ​ രൂ​ക്ഷ​മാ​യ ക​ട​ലാ​ക്ര​മ​ണത്തിൽ ഒട്ടേറെ വീ​ടു​ക​ളി​ലേ​ക്ക് തി​ര​മാ​ല ഇ​ര​ച്ചു​ക​യ​റി. വീ​ടു​ക​ൾ​ക്കു​ള്ളി​ൽ വെ​ള്ളം ക​യ​റി​യ​തോ​ടെ കു​ട്ടി​ക​ളും പ്രാ​യ​മാ​യ​വ​രും ഉൾപ്പെടെ ക​ട​ൽ​ത്തീ​ര​ത്ത് തന്നെ നിൽക്കാനാരംഭിച്ചു. ഒ​ടു​വി​ൽ മേ​യ​ർ സൗ​മി​നി ജെ​യ്നും മ​റ്റ് കൗ​ൺ​സി​ല​ർ​മാ​രും ജീ​വ​ന​ക്കാ​രും എ​ത്തി​യ ശേ​ഷം ജ​ന​ങ്ങ​ളെ ഇ​വി​ടെ നി​ന്നും ദു​രി​താ​ശ്വാ​സ ക്യാം​പു​ക​ളി​ലേ​ക്ക് മാറ്റുകയായിരുന്നു.

അതേസമയം ഓഖി കേരള തീരത്തേക്കാള്‍ ശക്തിപ്രാപിച്ച് ലക്ഷദ്വീപിനു മുകളിലെത്തി. മിനിക്കോയി, കല്‍പേനി ദ്വീപുകളില്‍ ഓഖി ആഞ്ഞടിച്ചത് മൂലം വൻ നാശ നഷ്ടങ്ങളുണ്ടായി. ലക്ഷദ്വീപില്‍ ഇന്ന് 145 കിലോമീറ്റര്‍ വേഗത്തില്‍ വരെ കാറ്രടിച്ചേക്കുമെന്നാണ് കണക്കുകൂട്ടൽ. ഒട്ടേറെ വീടുകളാണ് ഓഖി തകര്‍ത്തത്. എന്നാൽ ഇതുവരെ മരണങ്ങളൊന്നും റിപ്പോര്‍ട്ട് ചെയ്തിട്ടില്ലെന്ന് ലക്ഷദ്വീപ് എംപി മുഹമ്മദ് ഫൈസല്‍ അറിയിച്ചു. കേന്ദ്ര ആഭ്യന്തര മന്ത്രി രാജ്‌നാഥ് സിങ്ങുമായി ഫോണില്‍ ചര്‍ച്ച നടത്തിയതായും സ്ഥിതിഗതികള്‍ വിലയിരുത്താന്‍ ആഭ്യന്തരമന്ത്രാലയത്തില്‍ നിന്നു പ്രത്യേക സംഘത്തെ അയയ്ക്കാമെന്ന് കേന്ദ്രമന്ത്രി ഉറപ്പു നല്‍കിയിട്ടുണ്ടെന്നും എംപി വ്യക്തമാക്കി.

പ്രധാനമന്ത്രിയുടെ ഓഫീസിനും ഇതുമായി ബന്ധപ്പെട്ട വിവരങ്ങള്‍ കൈമാറിയിട്ടുണ്ട്. ശക്തമായി വീശിയ തിരയിൽ കല്‍പേനിയില്‍ തയാറാക്കിയ ഹെലിപ്പാഡും കരയിലേക്ക് തിരയടിച്ചു കയറാതിരിക്കാന്‍ ഒരുക്കിയ സംവിധാനങ്ങളും തകര്‍ന്നു. ചുഴലിക്കാറ്റ് വരുന്നതായി മുന്നറിയിപ്പു നേരത്തേ ലഭിച്ചതിനു തുടര്‍ന്നു സ്വീകരിച്ച നടപടികള്‍ രക്ഷാദൗത്യം വേഗത്തിലാക്കാന്‍ സഹായിച്ചു. കവരത്തിയില്‍ മുങ്ങിപ്പോയ ഉരുവില്‍ നിന്ന് ഏഴു പേരെ രക്ഷിക്കാനായി. മിനിക്കോയിയിലും കല്‍പേനിയിലും അഞ്ചു വീതം മത്സ്യബന്ധന ബോട്ടുകള്‍ മുങ്ങിപ്പോയതായും എംപി പറഞ്ഞു.