കടല്‍ പ്രക്ഷുബ്ധമാകും; മത്സ്യത്തൊഴിലാളികള്‍ക്ക് മുന്നറിയിപ്പ്

തിരുവനന്തപുരം: അറബിക്കടലില്‍ മത്സ്യബന്ധനത്തിന് പോകുന്നവര്‍ക്ക് ഫിഷറീസ് കണ്‍ട്രോള്‍ ബോര്‍ഡിന്‍റെ മുന്നറിയിപ്പ്. അറബിക്കടലിന്‍റെ മധ്യപടിഞ്ഞാറന്‍ തീരങ്ങളിലും വടക്കുപടിഞ്ഞാറന്‍ തീരങ്ങളിലും ഒക്ടോബര്‍ 13 വരെ മത്സ്യബന്ധനത്തിന് പോകരുതെന്നാണ് ഫിഷറീസ് കണ്‍ട്രോള്‍ ബോര്‍ഡ് മുന്നറിപ്പ് നല്‍കിയിരിക്കുന്നത്.

അതേസമയം ബംഗാള്‍ ഉള്‍ക്കടലില്‍ രൂപം കൊണ്ട ന്യൂനമര്‍ദ്ദം തിത്ലി ചുഴലിക്കാറ്റായി രൂപാന്തരം പ്രാപിച്ചതായാണ് കാലാവസ്ഥാ നിരീക്ഷണ കേന്ദ്രത്തില്‍ നിന്നുള്ള റിപ്പോര്‍ട്ട്. ഇതിന്‍റെ ഭാഗമായി അടുത്ത 24 മണിക്കൂറില്‍ ബംഗാള്‍ ഉള്‍ക്കടലിന് മുകളില്‍ മണിക്കൂറില്‍ 60 കിലോമീറ്റര്‍ വരെ വേഗതയില്‍ കാറ്റടിക്കാന്‍ സാധ്യതയുണ്ടെന്നാണ് മുന്നറിയിപ്പ്. കടല്‍ പ്രക്ഷുബ്ധമാകാനും ഇടയുണ്ട്.